Er du sjukepleiar eller vernepleiar med ønske om langvakter?  

Ein av våre sjukepleiarar skal i permisjon og me har derfor ledig eit vikariat i 80% stilling som sjukepleiar / vernepleiar i eit år ved Bømlo Bu og Helsesenter Post1.

Post 1 har 34 pasientrom fordelt over 3 etasjar, der kvar etg. fungerar som ei gruppa.

Vårt mål er å skapa tryggleik og trivnad i eit positiv miljø for både bebuarar og tilsette. Me har god fagdekning, eit godt arbeidsmiljø og varierte og utfordrande arbeidsoppgåver. 

Me søkjer ein sjukepleiar/vernepleiar som er fagleg engasjert og som ynskjer å bidra til god sjukepleie og behandling av våre pasientar/bebuarar. 

Stillinga inneber langvaktsturnus med arbeid kvar 4 helg, dvs. ein jobbar inntil 3 langvakter på rad for så å ha langfri. 

Arbeidsoppgåver

• Utføre heilskapleg pleie, omsorg og medisinsk lindrande behandling.
• Sjukepleieprosedyrar.
• Gå i sjukepleiervakter.
• Primærkontakt - ansvar for enkelte av pasientane.
• Dokumentasjon i elektronisk system.
• Samarbeid med tilsynslege, ergo/fysio, sjukehus, pårørande med fleire. 
• Oppfylging av pasientar og pårørande.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Autorisasjon som sjukepleiar/vernepleiar. 
• Meistrar norsk godt både munnleg og skriftleg.

Det vert stilt krav om politiattest ved tilsetting etter helse og omsorgstenestelova § 5.4.

Personlege eigenskapar

Me ser etter deg som:

• Jobbar sjølvstendig og samarbeidar godt med andre.
• Er god til å vurdere, prioritere og iverksette.
• Har gode kommunikasjonsevner og er løysingsorientert i di tilnærming.
• Er lojal og fleksibel.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Vi tilbyr

• Ein spanande arbeidsplass med varierte oppgåver og faglege utfordringar i ein flott kommune.
• Faglege og personlege utfordringar i eit godt og inspirerande arbeidsmiljø.
• Løn og arbeidsvilkår i samsvar med gjeldande lov og avtaleverk.
• Gode offentlege pensjons- og forsikringsordningar.
• Stilling i ei inkluderande arbeidslivsverksemd (IA-verksemd).
• Medlemskap med tilsettegoder i velferdsklubben.
  

Andre opplysingar

• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med avdelingsleiar Leif Christian Andersen 

Kontaktinformasjon

Leif Christian Andersen, Avdelingsleiar, 908 93 242, Leif.Christian.Andersen@bomlo.kommune.no

Arbeidsstad

Leirdalen 25
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 4986786415
Stillingsprosent: 80%
Vikar
Startdato: 25.08.2025
Sluttdato: 30.08.2026
Søknadsfrist: 09.07.2025