Om stillinga 

Er du ein utadvend, historieinteressert person som likar å lære og formidle? Er du interessert i vikingtid og glad i folk? Då søker vi deg til å vere sommarvert/guid på Gulatinget sommaren 2025! 

Om sommaren, spesielt i juli månad, er det ei spanande og travel tid i Gulen. Kommunen har mange besøkjande frå inn- og utland som vil oppleve landskapet og lære om historia kor Gulatinget var samla gjennom 400 år. Som sommarvert/guide er du ein viktig person for oss! 

Hjå oss vil du jobbe med formidling av historia knytt til Gulatinget og Gulatingslova, på historisk grunn og i fantastiske omgjevnadar i Eivindvik og på Flolid, kor Tusenårsstaden Gulatinget ligg i Gulen. Du vil få nødvendig opplæring, men har du forkunnskapar om Gulatinget, vikingtid/mellomalder og ikkje er redd for å kle deg i viking – då er dette den rette sommarjobben for deg! Du vil få høve til å jobbe sjølvstendig og ta initiativ til aktivitetar og tilbod. Du vil møte familiar, barn og unge, hyttefolk, europearar på bubiltur, amerikanarar og andre pilegrimar -  og båtfolk.   

Sjekk ut nettsida til Gulatinget for meir informasjon, og elles Gulen kommune si nettside.

Arbeidsoppgåver                                  Praktisk informasjon om stillinga

• Ta i mot besøkjande på Tusenårsstaden Gulatinget på Flolid 
• Drive enkel kafé med sal av vafler, kaffi og bøker  
• Guide grupper etter avtale i Eivindvik og på Flolid 
• Publiserer innhald på Gulatinget sine SoMe-kanalar 
• Andre oppgåver som måtte kome til

• Som sommarvert/guide hjå oss vil du få opplæring før du startar  
• Arbeidsperiode: 24.06.2025 - 08.08.2025. 
• Arbeidstid: ein vil jobbe i inntil 100% stilling i denne perioden, med arbeidsdagar tysdag til søndag (måndag fri). Perioden kan delast på fleire om ein ikkje får tilsett ein person i heile perioden.   
• Løn vert fastsatt ved tilsetjing 

Kvalifikasjonar og personlege eigenskapar 

• Du må vere fylt 18 år 
• Uttrykke deg godt munnleg på norsk og engelsk 
• Trivast i ei vertskaps- og omvisarrolle 
• Ha interesse for og like å formidle historie 
• Er sjølvstendig, står på og får ting gjort 
• Trivast med variasjon i arbeidsoppgåver 
• Disponere bil/anna transportmiddel (det er 3,7 km mellom Eivindvik og Flolid)  
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering