Rådgjevar eigedomsforvaltning

Om stillinga og avdelinga

Avdeling for eigedom søkjer ein engasjert og fagleg sterk rådgjevar som vil vere med å utvikle og forvalte kommunale bygg som skular, barnehagar, sjukeheimar, idrettsanlegg og kulturbygg. Som rådgjevar bidrar du til å sikre god drift, strategisk planlegging og framtidsretta utvikling av kommunen sine eigedommar. 

Alver kommune er ei kommune i utvikling. Vi har mange pågåande prosjekt knytt til vedlikehald og vidareutvikling av kommunale bygg, planarbeid knytt til vedlikehald og systemutvikling innan eigedomsforvaltning. Avdeling for eigedom har og ein nøkkelrolle i kommunen sitt arbeid med tenesteyting og samfunnsutvikling. Eigedom har og eit utstrekt samarbeid på tvers i kommunen og har også mykje kontakt med næringslivet, utbyggjarar og private i samband med byggeprosjekt og utbetringar.

Avdeling for eigedom består i dag av ni tilsette og tilhøyrer tenesteområet Eigedomsforvaltning. Eigedomsforvaltning sit i moderne lokaler på Frekhaug kommunehus, med gangavstand til bussterminal og hurtigbåt til Bergen. På kommunehuset er andre tekniske fag og planfag samla. Saman skaper vi eit sterkt fagmiljø. 

Alver er ein kommune med mykje flott natur, gode lokalsamfunn og ein kommune i stor utvikling. 

Arbeidsoppgåver

• Sakshandsaming innan eigedomsforvaltning, inkl. vedtak for kommunen som grunneigar og byggeigar
• Koordinering av konseptarbeid og planlegging av kommunale investeringsprosjekt
• Tekniske vurderingar og godkjenning av planar for bygg og eigedom
• Oppfølging og kontroll av utbyggingar, både administrativt og på byggeplass
• Ansvar for tilstandsanalysar, vedlikehaldsplanlegging og vurdering av tiltak
• Deltaking i større tverrfaglege prosjekt og planarbeid på tvers av sektorar
• Bidra til utvikling og oppfølging av strategiar, normer, rutinar og retningslinjer
• Innkjøp, anbodsprosessar og byggherreansvar i samarbeid med rådgjevarar og konsulentar
• Samarbeid på tvers av avdelingar og fagmiljø

Kvalifikasjonar

• elevant høgare utdanning innan ingeniørfag, bygg og anlegg, økonomi, juss eller liknande - relevant erfaring kan kompensere for utdanning
• Erfaring frå eigedomsforvaltning, byggjesak, prosjektleiing, offentleg forvaltning eller innkjøp
• God forståing for tekniske, juridiske og økonomiske aspekt ved eigedomsdrift og -utvikling
• Evne til å vurdere utbyggingsprosjekt, temaplanar og tekniske spørsmål frå innbyggjarar og næringsliv
• Kjennskap til formelle krav i planlegging og utføring av byggjetiltak
• Erfaring med teknisk teikning er ein fordel
• Bakgrunn frå konsulent- og/eller entreprenørbransjen er positivt
• Førarkort klasse B

Kven er du?

• er systematisk, strukturert og sjølvstendig
• har gode samarbeidsevner og trivst med tverrfagleg samarbeid
• er løysingsorientert og initiativrik
• kommuniserer godt, både munnleg og skriftleg på norsk
• har erfaring med digitale verktøy/system 
• ønskjer å bidra til utvikling og nytenking
• møter arbeidskvardagen med engasjement og godt humør

Me tilbyr

Vi kan tilby ei utviklande og sjølvstendig stilling i eit variert og meiningsfullt fagfelt. Du blir del av eit inkluderande arbeidsmiljø med dyktige og engasjerte kollegaer – der samarbeid, fagleg utvikling og trivsel står i sentrum.

Hos oss får du:

• Ein variert arbeidskvardag i eit fagleg sterkt miljø
• Moglegheit til å påverke og forme framtidas kommunale bygg og løysingar
• Oppfølging, rettleiing og rom for fagleg og personleg utvikling
• Eit godt og inkluderande arbeidsmiljø
• Moglegheit til å utvikle ferdigheiter i relasjonsarbeid, sjølvstende og tilhøyrsel
• Fleksibel arbeidstid og høve til å påverke eigen kvardag
• Konkurransedyktige vilkår og pensjonsordning i KLP

Me er Alver

Me får vere der frå aller fyrste stund, og vi får følgje deg gjennom livet!

. Video: https://www.youtube.com/watch?v=_xHE9zF24G4&ab_channel=Alverkommune