100% stilling som pedagogisk leiar

Er du ein trygg og engasjert vaksen som brenn for barn sin leik, utvikling og trivsel? Har du lyst til å vere med på å forme framtidas barnehage i ei bygd der naturen er ein del av kvardagen? Vi søkjer ein pedagogisk leiar til 100 % stilling som vil vere med på å utvikle den nye barnehagen vår. 100% stilling.

Om barnehagane

• Dønfoss naturbarnehage ligg ca. 10 km vest for Bismo, har to avdelingar og 36 plassar.

• Bismo barnehage (midlertidig lokalisert ved Skjåkheimen) ligg i Bismo sentrum, har tre avdelingar på totalt 54 plassar. Ein ny sentral barnehage med fem avdelingar er under bygging i Bismo, og skal stå klar hausten 2026. Holemork barnehage blir ein del av denne.

• Holemork barnehage ligg 4 km aust for Bismo sentrum, har to avdelingar, og 36 plassar.

Felles pedagogisk plattform for alle barnehagane er under utvikling. Vi vektlegg godt fagleg miljø, engasjerte kollegaer, og meiningsfullt arbeid med barn i trygge og leikande omgjevnader .

Arbeidsoppgåver

• Rettleie og støtte personalet i det pedagogiske/metodiske arbeidet

• Delegere oppgåver og sikre at barnehagen sine mål blir nådd

• Utarbeide og gjennomføre årsplan i samarbeid med styrar og tilsette

• Leggje til rette for godt samarbeid med føresette

• Dele kunnskap og bidra til kompetanseheving

• Halde seg fagleg oppdatert

Personlege eigenskapar

Vi ser etter deg som:

• har godkjent barnehagelærarutdanning (anna relevant godkjent utdanning kan også vere aktuelt)

• har erfaring frå arbeid med barn

• har eit sterkt engasjement for barnehageyrket og barn si utvikling

• har gode evner til samarbeid og kommunikasjon

• har interesse for fagleg utvikling

• har gode norsk­kunnskapar, både munnleg og skriftleg

• trivst ute i all slags vêr

• er raus, tydeleg og aktiv i barnehagen sin kvardag

• er ein trygg og tydeleg vaksen som deltek aktivt i kvardagen, er fleksibel og tilpassingsdyktig, og arbeider målretta både sjølvstendig og i team

• er interessert i digitale verktøy og har god IKT-forståing

Skjåk kommune ønskjer eit mangfald i personalgruppa og oppmodar særleg menn til å søkje.

Hjå oss får du

• Tilsetting på kommunale vilkår og løn etter avtale

• Pensjonsordning i KLP

Andre stillingar kan bli ledige, både heiltid og deltid.

Kontaktpersonar

For meir informasjon, kontakt styrar Heidi Jevnheim på telefon 901 93 957 , eller dagleg leiar i Bismo barnehage, Karin Fjerdingren på telefon 980 64 647 .

Søknad skal sendast

Alle søknader skal sendast elektronisk via vårt søkjesystem. Lenke til elektronisk søknadsskjema .

Søkjarlista vil bli offentleggjort. Dette betyr at alle søkjarar vert førte opp på offentleg søkjeliste. Skjåk kommune praktiserer meiropenheit ved tilsetjingar. Dersom du ønskjer unntak frå offentlegheit, må dette grunngjevast særskilt.

Søknadsfrist: 3. november 2025

Kommunedirektøren