Vi søkjer deg som har lyst til å bidra i politidistriktet sitt arbeid mot seksuelle overgrep i det digitale rom!

Møre og Romsdal politidistrikt skal ivareta ein samla innsats for å førebygge og etterforske internettrelaterte seksuelle overgrep. Avsnittet har som formål å identifisere, koordinere og behandle saker med utgangspunkt i straffeloven § 311 som omhandlar framstilling av seksuelle overgrep mot barn eller framstilling som seksualiserer barn.

Vi søkjer no ein avsnittsleiar som kan drive etterforsking og bidra i førebyggande gjeremål knytt til dette saksfeltet.

Har du erfaring frå etterforsking av internettrelatert kriminalitet eller sedelighetsetterforsking, så er vi særleg interessert i kompetansen din for å drive målretta innsats i arbeidet mot seksuelle overgrep i det digitale rom!

Du bør ha interesse for etterforsking som i stor grad baserer seg på å hente ut bevis via datatekniske løysingar.

Arbeidsoppgåvene til avsnittet er krevjande som følgje av at ein ofte jobbar med menneske i krise, og det er behov for at ein leverer arbeid av høg kvalitet for å ivareta rettssikkerheita. Medarbeidarane blir også eksponert for mange sterke inntrykk gjennom handtering av ulike typar overgrepsmateriale. Det er derfor eit særleg fokus på HMS og viktigheita av eit godt arbeidsmiljø.

Avsnittsleiar vil i tillegg ha ansvar for vurderingsmøter som består av inntak av saker frå Kripos i samhandling med påtalefagleg etterforskingsleiar, Barnehus og etterforskarar. Avsnittsleiar vil også vere kontaktpunkt mot Kripos og andre aktørar.

Avsnittet er underlagt geografisk driftseining Sunnmøre i Møre og Romsdal politidistrikt, men vil ha eit koordinerande ansvar for saker frå heile politidistriktet. Opmøtestad for stillinga er i Ålesund.                   

Arbeidsoppgåver

• Etterforsking av straffesaker som gjeld internettrelaterte saker, herunder strl. § 311, overgrep mot barn
• Utføre taktisk og teknisk etterforsking 
• Utføre gjennomgang og analyse av digitale bevis
• Delta i operative aksjonar
• Fagansvarleg og koordinator for Møre og Romsdal politidistrikt, medrekna å vere kontaktpunkt for Kripos
• Drive politifagleg etterforskingsleiing
• Ansvarleg for månadlege vurderingsmøter av innkomne tips
• Personalansvar for dei tilsette ved avsnittet
• Kan påleggast andre arbeidsoppgåver

Kvalifikasjonar

Nødvendig:

• Fullført og bestått Politi(høg)skolen
• Brei erfaring frå etterforsking
• Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga

Ønskeleg:

• Erfaring frå internettrelatert etterforsking
• Erfaring og vidareutdanning innan digital sporsikring og digitale sporsikringsverktøy
• Vidareutdanning innan etterforsking, etterforskingsleiing eller tilsvarande
• Erfaring med arbeid i prosjektmodulen i Indicia og utarbeiding av etterforskingsplanar
• Erfaring frå førebyggande politiarbeid
• Erfaring og utdanning innan personalleiing

Personlege eigenskapar

• Det vert lagt stor vekt på gode samarbeidsevner, og ein må vere opptatt av å skape resultat i samhandling med andre
• Du er strukturert og systematisk i arbeidet ditt, og har høg arbeidskapasitet
• Du har gode kommunikasjonsevner og er god på relasjonsbygging
• Vere fleksibel og løysingsorientert

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

• Ein utfordrande og spennande arbeidsplass for deg som vil vere med på å forme politiet i framtida
• Fast stilling som avsnittsleiar, stillingskode 0287 politioverbetjent
• Brutto årslønn frå kr. 720 000 - kr. 775 000
  
• Godtgjersle etter gjeldande ATB og tillegg for eventuell turnustjeneste
• For særskilt kvalifiserte kan noko høgare lønnsplassering bli vurdert
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du går bort, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsettingsgoda dine på spk.no/medlemskap-i-spk.
• Møre og Romsdal politidistrikt er ei IA-bedrift og er knytt til bedriftshelseteneste
• Trening i arbeidstida

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Arne Lid Skodje, Seksjonsleiar, 93054548

Arbeidsstad

Nedre Strandgate 50
6005 Ålesund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4806354086
Stillingsprosent: 100%
Fast stilling
Søknadsfrist: 13.02.2025