Brannkonstabel - 100% fast

Om stillinga og NHBR

Nordhordland brann og redning søkjer ein motivert medarbeidar med interesse for faget, som ønskjer utfordringar og vil vere med å bidra til å bygge eit framtidsretta brannvesen. NHBR er ein organisasjon i utvikling, som gjev gode høve for fagleg og personleg utvikling i ein meiningsfylt arbeidskvardag.

Stillinga er 100% fast stilling som brannkonstabel på dagtid, og du vil vera ein del av dagkassernert mannskap på Knarvik stasjon. Arbeidstida er frå 08:00 - 15:30 måndag til fredag. 

Du må å bu i nærleiken til ein av brannstasjonane i regionen til NHBR - og du vil gå inn som vikar/fast stilling i deltidsstyrken i NHBR.

Nordhordland brann og redning (NHBR) vart etablert i 2019, ved samanslåing av tre brannvesen. NHBR dekkjer kommunane Alver, Austrheim og Modalen, med Alver kommune som vertskommune. Ansvarsområdet dekkjer 1.149 km2, og har 33.000 innbyggjarar. NHBR har Equinor Mongstad i sitt område, som er ein av dei største olje- og produkthavnane i Europa.

Vi har 5 brannstasjonar (Knarvik, Manger, Mastrevik, Lindås, Modalen) og to depot (Kaland og Øvre Helland). Knarvik stasjon har dagkasernering, medan dei andre stasjonane har deltidsberedskap med og utan vaktordning.

Den som vert tilsett skal etter ein opplæringsperiode kunne betjene brannvesenets materiell og delta i brannvesenets vakt- og utrykkingsteneste som brannkonstabel- /røykdykkar/sjåfør ved ein av stasjonane.

Arbeidsoppgåver

• Operative oppgåver/utrykkingar
• Følgje opplæring og kurs etter avtale
• Sikre at køyretøy og materiell/utstyr til ei kvar tid er i utrykkingsklar stand
• HMS og internkontroll arbeid
• Arbeidsoppgåver knytt til deltidstyrken
• Instruktør ved brann- og redningsrelaterte emne, internt og eksternt
• Administrative oppgåver
• Andre oppgåver kan bli lagt til stillinga

Arbeid utover normal arbeidstid må på reknast, med tanke på kurs, øvingar, opplæring med meir.

Kvalifikasjonskrav

•  Yrkesutdanning for brannkonstabel heiltid jmf Iht «Brann- og redningsvesenforskriften § 37». Om du ikkje har godkjend utdanninga (td utdanning som brannkonstabel deltid) kan du likevel verte vurdert for stillinga. Kandidat må da pårekna å ta nødvendige kurs for å få godkjent kompetanse
• Godkjent fysisk test i samsvar med Arbeidstilsynetes krav
• Godkjent helseattest i henhold til "Forskrift om utførelse av arbeid §3-27"  
• Søkjaren må være fysisk og psykisk skikka til stillinga
• Godkjend politiattest
• Førarkort klasse B
• Førarkort klasse C. Om du ikkje har Klasse C, kan du likevel verte vurdert for stillinga
• Personer med relevant tekninsk/praktisk erfaring vil bli vektlagt  
• IKT ferdigheiter (til dømes Word, Exel, kommunale system)

Ønskjeleg kompetanse

• Førarkort klasse BE og kode 160 (kompetansebevis for utrykkingskøyring)
• Båtførarbevis og båtførarerfaring
• Ønskje om mekanisk kompetanse 
• Anna relevant kompetanse/kurs/utdanning

Personlege eigenskapar

• Bidrar positivt inn i arbeidsmiljøet - er ein lagspelar
• Jobbe godt både sjølvstendig og i samarbeid med andre
• Vise initiativ og kunne handtere fleire oppgåver samtidig
• Være praktisk anlagt og løysingsorientert
• Ha god systemforståing og vere strukturert
• Vere profesjonell og lojal
• Ha stort fokus på HMS

Personlege eigenskapar er avgjerande for stillinga og vil derfor bli vesentleg vektlagt

Vi tilbyr

• Utfordrande, meinigsfulle, varierte og sjølvstendige arbeidsoppgåver
• Fagleg utvikling
• Triveleg arbeidsmiljø med dyktige og kompetente kollegaer
• Gode pensjon- og forsikringsordningar gjennom KLP
• Lønn og tilsetjingvilkår etter lov- og avtaleverk
• Trygg og god arbeidsplass