Hotelldirektør for Hotell Bondeheimen, ein del av De Historiske

Hotell Bondeheimen og Kaffistova søkjer ein synleg og engasjert hotelldirektør. Her får du sjansen til å kombinere operativ drift med strategisk utvikling og drive ei av Oslos mest tradisjonsrike hotell- og serveringsverksemder.

Om stillinga
Dette er ein unik sjanse til å drive ei av Oslos hotellperler med over 110 års historie, og samtidig vidareutvikle Bondeheimen og Kaffistova som sterke kulturopplevingar. Hotellet er no også ein del av De Historiske Hotel & Spisesteder.

Som hotelldirektør får du totalansvar for drift, økonomi og medarbeidarar. Du blir ein synleg leiar både internt og eksternt og ein nøkkelperson i leiargruppa i konsernet. Du har personalansvar for tre mellomleiarar og i tillegg overordna ansvar for rundt 80 medarbeidarar i Bondeheimen og Kaffistova.

Dine hovudoppgåver

• Rekruttere, leie og utvikle medarbeidarar og leiargruppe

• Vidareutvikle revenue management- og salsstrategiar

• Styrke gjesteoppleving, servicekvalitet og kundetilfredsheit

• Initiere og leie utviklingsprosjekt

• Profilere og marknadsføre hotellet og restauranten

• Sikre lønsam drift, budsjett og rapportering

Kven vi ser etter
Vi søkjer ein kommersiell og relasjonssterk leiar som er synleg, entusiastisk og nysgjerrig på nye løysingar. Du trivst med å vere tett på den daglege drifta, har gjennomføringsevne og eit sterkt engasjement for hotell- og restaurantfaget.

Vi ser etter deg som har:

• Leiarerfaring frå hotell-, gjerne også restaurantbransjen

• God økonomisk forståing og erfaring med revenue management

• Kompetanse innan sal, marknadsføring og digitale kanalar

• Tryggleik som personalleiar og kommunikator, på norsk og engelsk

Som person er du:

• Strategisk og ser heilskapen, samtidig som du evnar å ta riktige val undervegs

• Ein tydeleg og trygg kommunikator som skaper engasjement rundt deg

• Relasjonssterk og god til å bygge tillit både internt og eksternt

• Handlekraftig og får ting til å skje, du følgjer prosessar heilt ut

• Opptatt av kvalitet og leverer det du lovar

Vi tilbyr

• Drive ei verksemd med historie, særpreg og klar posisjon i marknaden
  Ei synleg leiarrolle med stort handlingsrom

• Ei rolle som gir deg rom til å utvikle deg som leiar

• Dyktige og engasjerte medarbeidarar

• Konkurransedyktige vilkår

Om arbeidsgivaren
Hotell Bondeheimen og Kaffistova ligg i Rosenkrantz’ gate, berre 100 meter frå Stortinget og Karl Johans gate. Verksemda blei etablert i 1913 og er ein del av Oslos kulturhistorie.

Hotellet har 145 rom, moderne fasilitetar og konferanselokale, og Kaffistova er kjend for norsk tradisjonsmat. Med rundt 80 tilsette og ei omsetning på over 100 millionar kroner er vi eitt av dei best besøkte hotella i Oslo.

Søknad
Søknadsfrist: Fortløpande
Kontaktperson: Linda Trandum Terjesen, Senior rekrutteringsrådgivar i Karrierehuset, tlf. 90912936

Vi behandlar søknader fortløpande, ta gjerne kontakt for ein uforpliktande prat.

Fakta om stillinga

• Stillingstittel: Hotelldirektør

• Stillingsprosent: 100 %

• Ansettelsesform: Fast

• Arbeidssted: Rosenkrantz’ gate 8, Oslo sentrum

• Rapporterer til: Konsernleiar i Bøndenes Hus AS

• Oppstart: Etter avtale