Driftskoordinator vatn, avløp og overvatn

Har du lyst på utfordrande arbeidsoppgåver i verdas beste vesle Stad? Vi søkjer etter ny driftskoordinator på vatn, avløp og overvatn (VAO).

Kommunalteknikk er ei eining under kommunalområdet Kultur og samfunn i Stad kommune, saman med eigedom, kultur, plan og forvaltning og brann. Eininga har ansvaret for offentleg infrastruktur i kommunen. Vi skal drifte og vedlikehalde kommunalt vegnett, parkanlegg, kommunale hamner, kommunaltekniske anlegg og infrastruktur knytt til vassforsyning, avløp og overvasshandtering.

Kommunalteknikk har totalansvar for planlegging, utbygging, forvaltning, drift og vedlikehald av alle kommunale vatn- og avløpsanlegg i Stad kommune. Kommunalteknisk drift er delt inn i to driftsgrupper: vegdrift og park, samt vatn, avløp og overvatn (VAO).

Driftsgruppe VAO har ansvar for drift og vedlikehald av eit transportsystem med 350 km VAO leidningsnett. Vi har 9 vassverk, 12 høgdebasseng, 16 små og store renseanlegg for avløp, og 34 pumpestasjonar for avløp. 

Driftsgruppe VAO har til saman 10 tilsette i dag. Stillinga som driftskoordinator VAO går inn i dette teamet.

Stad kommune har vedteke tre nye temaplanar på vatn, avløp og overvatn i 2022-2034, med mange nødvendige investeringar i planperioden. Vi skal gjennomføre både store og små investeringsprosjekt dei komande åra. Det skal mellom anna byggjast nytt renseanlegg på Nordfjordeid og i Selje, nye høgdebasseng, samt leidningsfornying. 

Arbeidsoppgåver

• Ansvar for gjennomføring av driftsprosjekt - intern/ekstern koordinering
• Planlegging og oppfølging av driftsprosjekt - framdrift, økonomi, bestilling, innkjøp, kvalitetskontroll, feltarbeid.
• Teknisk støtte til større investeringsprosjekt VAO
• Bistå med service og vedlikehald på tekniske prosessanlegg
• Innmåling og kartarbeid, ledningsnett og kommunaltekniske anlegg
• Tett samarbeid med driftsleiar VAO
• Beredskap - mogleg vaktordning indre
• Andre arbeidsoppgåver må påreknast.
  

Kvalifikasjonar

• Relevant fagbrev; automasjon, rørleggar, bygg og anlegg, prosessoperatør, og tilsvarande
• Ønskeleg med fagskuleutdanning;  bygg og anlegg, rørleggar, prosess, automasjon, og tilsvarande
• Ønskeleg med relevant fagkompetanse og erfaring innan vatn og avløp og overvatn
• Ønskeleg med praktisk kunnskap og erfaring frå VA anlegg; vassverk, ledningsnett, renseanlegg, pumpestasjonar
• Villig til opplæring/kursing
• Ønskeleg med erfaring frå innmåling, bruk av GPS
• Ønskeleg med erfaring frå Gemini Portal, GIS, Civil 3D, Vardak, Autocad
• Ønskeleg med ADK1-sertifikat
• Førarkort klasse B er eit krav

Personlege eigenskapar

• Du er oppteken av helse, miljø og tryggleik
• Du er allsidig, strukturert og ryddig
• Du har gode samarbeidsevner, og du kan ta eit sjølvstendig ansvar
• Du tek initiativ og har ei god serviceinnstilling
• Du er praktisk og løysingsorientert
• Du trivst med å lære nye ting og er kvalitetsbevisst
• Du har gode kommunikasjonsevner

Vi tilbyr

• Ei spennande og utfordrande fulltidsstilling i ein framoverlent kommune som satsar på utvikling og innovasjon
• Moglegheit til å gjere ein reell forskjell for lokalsamfunnet ved å bidra til ei trygg og effektiv vass-, avløps- og overvasshandtering
• Eit godt og triveleg arbeidsmiljø med fokus på samarbeid og kompetanseutvikling
• Gode pensjons- og forsikringsordningar
• Lønn etter tariff
• Busette i Stad kommune i minst eitt år kan søkje Lånekassen om å få sletta delar av studielånet sitt
  

Kontaktinformasjon

Hilde Hovden, Einingsleiar kommunalteknikk, 92612855, Hilde.Hovden@stad.kommune.no

Arbeidsstad

Rådhusvegen 11
6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 5144472803
Stillingsprosent: 100%
Fast
Søknadsfrist: 16.08.2026