Driftsoperatør Nordfjord

Eide er eit familieeigd selskap, og ein av pionerane i havbruksnæringa. Me har ein visjon om å setje standarden for framtidas havbruk. For å nå vår visjon er me avhengige av dyktige kollegaer på merdkanten. Me søkjer deg som er motivert for å bidra i eit innovativt og framtidsretta miljø, der kvalitet står i sentrum i alle ledd. I Eide kjem du inn i ei verksemd som tør å satse og som er under sterk utvikling. Me ønskjer at du utviklar deg saman med oss.

Me har utvikla Watermoon; lukka oppdrettsteknologi i sjø, utvikla for å gi laksen eit kontrollert og beskytta miljø - og for å redusere miljøpåverknaden samanlikna med tradisjonelle opne merdar. Systemet beskyttar fisken mot eksterne påverknader som lakselus, og inkluderer kontroll av vannkvalitet og oppsamling av slam. Watermoon er eit av dei største satsingsområda våre framover, og du får vera med å vidareutvikle konseptet som ein sentral del av Eide-konsernet i åra som kommer. Her får du vera med å forme framtidas havbruk gjennom ny teknologi og nye driftsformer, i eit fagmiljø som er i sterk vekst.