Psykolog/ped.psyk.rådgjevar - vidaregåande team

Ålesund PPT har ledig 100 % fast stilling for psykolog/ped.psyk.rådgjever med oppstart 1. september 2023. Stillinga er for tida knytt til vidaregåande opplæring.   

Tenesta sine arbeidsoppgåver er heimla i Opplæringslova og Barnehagelova. PPT skal hjelpe skular og barnehagar i arbeidet med kompetanseutvikling og organisasjonsutvikling for å legge opplæringa betre til rette for elevar med særlege behov. Tenesta skal sørge for at det blir utarbeidd sakkunnig vurdering der lova krev det.

Stillinga er for tida knytt til PP-tenesta sitt team for vidaregåande opplæring og oppgåver knytt til både studiespesialiserande, yrkesfagleg opplæring og opplæring i bedrift. Stillinga vil i tillegg til arbeidet med sakkunnige vurderingar, innehalde oppgåver knytt til system, kompetanseheving og organisasjonsutvikling i tett samarbeid med dei vidaregåande skulane. Stillinga omfattar og utviklingsarbeid på tvers av team og saman med både barnehagar og skular for å fremje gode utviklingsmoglegheiter for alle born; førebygging, tidleg innsats og psykososialt miljø.
Psykologen vil arbeide i saker med psykologfaglege problemstillingar, og det blir lagt særleg vekt på å utvikle gode individuelle tiltak innanfor ramma av skulekvardagen. Dialog med elev, føresette og skule, samt rettleiing inngår naturleg i prosessen. PPT sitt mandat vil ligge til grunn for korleis psykologen skal arbeide på sitt fagområde.

Arbeidsoppgåver

• Arbeidet vil i hovudsak vere knytt til born og unge si opplæring og utvikling. 
• Hjelpe skulane med kompetanseutvikling og organisasjonsutvikling
• Forvaltningsarbeid/sakkunnig utgreiing for å legge opplæringa betre til rette for elevar med særlege behov.
• Innsats for å skape eit trygt og godt læringsmiljø står sentralt.
• Delar av arbeidet vil skje ute i skular og avdelingar.
• Tverrfagleg samarbeid vil bli vektlagt 
• Særleg for psykologar i tenesta: Tenesta sine psykologar er rådgjevande i psykologfaglege spørsmål overfor fagpersonellet i tenesta, uavhengig av område og team dei høyrer til. Psykologspesialistar og psykologar har møtepunkt på tvers av fagområde og kommunalområder.

Den som vert tilsett må nytte eigen bil i teneste.

Kvalifikasjonar

• Psykolog, master i psykologi innan relevant emne, master i  pedagogikk/spesialpedagogikk eller tilsvarande
• Solid bakgrunn, erfaring og kompetanse frå arbeid i skule vil verte vektlagd
• Erfaring frå arbeid i PPT er ein fordel.
• Kompetanse i forhold til å fremje endringsprosessar både på individ- og organisasjonsnivå
• Kartleggingskompetanse
• Rettleiingskompetanse
• Interesse for å utvikle og halde foredrag/kurs
• Gode norsk ferdigheiter munnleg og skriftleg

Personlege eigenskapar

• Gode kommunikasjonseigenskapar og samarbeidsevner
• Evne og vilje til å arbeide effektivt, sjølvstendig og målretta
• Engasjert og fleksibel
• Løysingsorientert og evne til å bidra positivt inn i eit arbeidsmiljø
• God relasjonskompetane og evne til refleksjon
• Evne og vilje til å arbeide kunnskaps- og forskingsbasert
• Referansar og personlege eigenskapar vil bli vektlagt

Vi tilbyr

• PPT tilbyr variert og spanande arbeid i ei stabil, kompetent og erfaren faggruppe. 
• PPT tilbyr konkurransedyktig løn etter avtale.
• Fleksibel arbeidstid
• Tenesta arbeider etter verdiar og mål for Nye Ålesund kommune, og er lokalisert i kontorlokaler på Ørskog rådhus på Sjøholt og i Ålesund rådhus.
  
• Den utlyste stillinga vil ha kontorstad i Ålesund Rådhus.
• Det er knytt 6. mnd gjensidig prøvetid til stillinga med tett oppfølging frå fagleiar og verksemdsleiar. 

Kontaktinformasjon

Solfrid Stavdal, Verksemdsleiar, 412 98 311, solfrid.m.stavdal@alesund.kommune.no
Hege Marit Seljebø, Fagleiar, hege.marit.seljebø@alesund.kommune.no

Arbeidsstad

Keiser Wilhelms gate 11
6003 ÅLESUND

Nøkkelinformasjon:

Arbeidsgivar: Ålesund kommune

Referansenr.: 4669840007
Stillingsprosent: 100%
Fast
Søknadsfrist: 18.06.2023