Sokneprest i Luster i Sogn prosti med tenestestad i sokna Dale, Fortun, Nes, Gaupne og Jostedal

Brenn du for kyrkjeleg arbeid i møte med born og unge? Vi har ledig stilling som sokneprest i Luster!

Stillinga er ein fast soknrepreststilling, men blir lyst ut med høve til å søkje innanfor ordninga "Prest under utdanning " (PUU). Du kan derfor søkja på stillinga også dersom du med inntil 120 studiepoeng vil oppfylla kvalifikasjonskrava for kyrkjelydsprestar. I stillinga blir det gitt i inntil 4 år for å fullføra studia. Ved tilsetjing utarbeider du saman med arbeidsgivar og studiestad ein individuell plan for studieprogresjon og arbeidsmengd. Undervegs i studiet følgjer du programmet for Vegen til vigsling (VTV). Ved fullført studieløp og VTV er du kvalifisert for å kunna vigslast til teneste som sokneprest i dei nemnde sokna i Sogn prosti. Etter fullførte studiar blir stillinga lønt etter vilkår i gjeldande tariffavtale for den aktuelle stillingstypen. Det vil normalt vera 2 års bindingstid etter studieperioden. Les meir om ordninga: Prest under utdanning

Inst i Sognefjorden ligg Luster kommune, med omlag 5100 innbyggjarar. Kommunen er i areal ein av dei største kommunane i Sør-Noreg, der finst tre nasjonalparkar, verdsarven Urnes stavkyrkje og vakker natur med svært gode vilkår for eit rikhaldig friluftsliv alle årstider.

Næringslivet i kommunen er variert, frå tradisjonelt landbruk til moderne industriverksemder og stadig meir varierte servicebedrifter. Her er godt utbygde desentraliserte tilbod og levande bygder. Les meir om Luster kommune

Luster har ein rikhaldig flora av kyrkjebygg. Dei sju sokna har totalt tolv kyrkjebygg, to av desse er i privat eige (fortidsminne). Dei mest særmerkte kyrkjebygga er Urnes stavkyrkje og Dale kyrkje, som er ei steinkyrkje frå middelalderen.

Stillinga omfattar 5 av dei 7 sokna i Luster kommune, med til saman ca 2400 medlemer.  4 av dei fem sokneråda har nyleg vedteke at dei ynskjer å etablere forenkla rådsstruktur og tettare samarbeid gjennom felles sokneråd. Sokna har djupe røter og tradisjonar, samstundes som verksemda er folkekyrkjeleg i form og uttrykk. Det er to sokneprestar i Luster, prestane har tett samarbeid. Det er kontorfellesskap i Gaupne saman med dei andre tilsette. I staben er kyrkjeverje, rådgjevar, kyrkjemusikarstillingar,  diakon og trusopplæringsleiar. Det er tett stabssamarbeid mellom sokna, fleire av stillingane dekkar heile kommunen. Det er eit godt samarbeid innanfor trusopplæring, diakoni, kyrkjemusikk og gudstenestefeiring. 

Sokneråda er opptekne av ein brei og vidare satsing på arbeidet mellom born og unge, den forenkla rådsstrukturen er ein viktig ledd i å frigjere ressursar til dette. For kyrkja i Luster står trusopplæring og gudstenestearbeid sentralt. Konfirmantarbeidet og somme av trusopplæringstiltaka har stor oppslutnad i sokna. Det er lange tradisjonar for samarbeid med skular og barnehagar. I kommunen ligg Lyngmo ungdomssenter, med leirstad og møtelokale for arrangement av ulikt slag.  Lyngmo er viktig for heile regionen. Misjons- og lekmannsarbeidet har stått sterkt i Luster, med fire bedehus i dei sokna stillinga omfattar.

Sogn prosti omfattar kommunane Vik, Sogndal, Luster, Årdal, Lærdal og Aurland. Prestetenesta i prostiet vert leia av prosten. Med jamne mellomrom samlar prosten dei 12 prestane i prostiet til fagleg utvikling, åndeleg fellesskap og kollegafellesskap.

Ein kan søkje på stillinga enten som PUU-prest eller som 100 % sokneprest. PUU-prest vil gå inn i stillinga som 100 % sokneprest etter fullført utdanning og vigsling.

Arbeidsoppgåver

• forkynning og arbeid med gudstenesteliv og trusopplæring
• planlegging og utviklingsarbeid i samarbeid med kyrkjeleg tilsette, medlemar i råd og utval og med frivillige medarbeidar
• beredskap etter gjeldande ordning for Den norske kyrkja

Kvalifikasjonar

medlemskap i Den norske kyrkja

• stadfesting frå studiestad om at du har opptak på studiet, og maksimalt har 120 studiepoeng igjen før du kvalifiserer til presteteneste etter tenesteordningen for kyrkjelydsprestar § 3
eller
• cand. theol. med praktikum eller tilsvarende/master i teologi med praktikum

Personlege eigenskapar

• evne til å synleggjere kyrkja i lokalsamfunnet
• evne til å arbeide strukturert og planmessig
• søkar må kunne samarbeide også liturgisk med kollegaer uavhengig av kjønn eller teologisk usemje

Vi tilbyr

• Stillingskode 1555 sokneprest etter KA sitt tariffområde (ved PUU er koden 0950 prestevikar fram til vigsling til prest)
• Medlemskap i kollektiv pensjonsordning KLP
• Reiseutgifter godtgjort etter gjeldande regulativ
  
• Til løna kjem særskilte regulativmessige godtgjersler
  
• Arbeidsrettleiing (ABV)

 

Andre opplysningar

Søkjar må ha førarkort og disponere bil.

Skriftspråket er nynorsk.

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke. 

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20. 

Kontaktinformasjon

Kjell Olav Høstaker Nordheim, Prost i Sogn, 48243056
Therese Nesse Mokkelbost, HR-sjef i Bjørgvin bispedøme, 93612276

Arbeidssted

Rådhusvegen 5
6868 Gaupne

Nøkkelinformasjon:

Arbeidsgiver: Den norske kirke

Referansenr.: 4983861697
Stillingsprosent: 100%
Fast
Søknadsfrist: 10.08.2025