Fysioterapeut

Vilje til å lukkast saman!

Sula kommune har fått prosjektmidlar og ønsker å starte opp med Vurderingsteam - utvikle modell for tverrfagleg oppfølging. 

Pasientar må få riktige tenester til rett tid, med mål om eit optimalt pasientforløp der bevaring eller gjenvinning av funksjon står i sentrum for oppfølginga. For å få til dette må vi verte meir tverrfaglege i vår oppfølging. Vi ønsker å etablere eit tverrfagleg team som vurderar pasienten sitt behov for tenester og potensiale for å gjenvinne tapt funksjon. Målet for prosjektet er ei tverrfagleg kartlegging, der mellom anna fysio-/ergokompetanse kjem i tillegg til sjukepleiar- og legekompetanse, og der opptrening og eigeninnsats frå pasienten skal kome meir i fokus. Teamet skal gi informasjon om kva for tenester og tilbod som finst i kommunen, og vurderer behov for trening, hjelpemiddel, tilrettelegging av bustad og helseteknologi. Målet er riktige tenester, ikkje færrest mogleg tenester.

Denne stillinga vil høyre til i Rehabiliteringstenesta, som består av 4 fysioterapeutar og 2 ergoterapeutar. Rehabiliteringstenesta jobbar målretta mot størst mulig grad av sjølvhjelp, deltaking og livskvalitet for brukarane. Ein har fokus på rehabilitering, kvardagsmeistring, førebyggjing og friskliv. Vi har starta opp med fallkartlegging og -førebyggjing, vi har trimgrupper på ulike funksjonsnivå og vi har eit tett og godt samarbeid inn mot rehabiliteringsavdelinga på Sulatunet i tillegg til ein del satsing inn mot barn og unge, heimebesøk til alle 80+ og i forhold til velferdsteknologi for å nevne noko. Folkehelseperspektivet og brukaren i fokus med "kva er viktig for deg" er viktige element i rehabiliteringstenesta.

Stillinga vil bidra inn mot fleire av dei ulike felta som rehabiliteringstenesta jobbar med. Det vil mest sannsynleg også bli mogleg å fylle stillinga opp til 100%.

Arbeidsoppgåver

 Delta i teverrfagleg vurderingsteam.

 Bestille enkle hjelpemidler

 Fysioterapiteneste til bebuarar ved kortids- /rehab.avd ved Sulatunet.

 Poliklinisk oppfølging av voksne / eldre i heimen / institutt.

 Trimgruppe / fallførebyggjing

 Det kliniske fysioterapiarbeidet vil skje i tett samarbeid med andre som driv rehabilitering i kommunen.

 Kollegeal fråværsdekning.

Kvalifikasjonar

 Norsk offentleg godkjend fysioterapeut

 Erfaring frå arbeid innan rehabilitering.

 Erfaring frå anna relevant arbeid innan førebyggjing

 Faglig oppdatert på relevant kunnskap.

 Datakunnskap og kjennskap til relevante fagsystem.

 God kunnskap i norsk språk, skriftlig og munnleg.

 Førarkort, søkar må kunne disponere eigen bil i tenesta

 Politiattest

Personlege eigenskapar

 Personlege eigenskapar vil bli vektlagt.

 Gode samarbeidsevne og kunne sjå tenestene under eitt.

 Kunne arbeide strukturert og heilskapleg.

 God i kommunikasjon

 Gode evner til å motivere andre til å gjere ein innsats.

Vi tilbyr

 Lønn etter gjeldande tariff

 Svært godt og inspirerande arbeidsmiljø, " her er det godt å vere"

Kontaktinformasjon

Grethe Øen, Einingsleiar, 93821014, grethe.elise.gjorvad.oen@sula.kommune.no

Arbeidsstad

Stadsnesvegen 9b
6030 Langevåg

Nøkkelinformasjon:

Arbeidsgivar: Sula kommune

Referansenr.: 4988453225
Stillingsprosent: 80%
Engasjement
Startdato: 18.08.2025
Sluttdato: 31.12.2027
Søknadsfrist: 09.07.2025