Dagleg leiar – Voss Buldresenter (40–60 % stilling)

Hva vi ser etter

Me ser etter ein person som er:

• Hyggjeleg, ryddig og serviceorientert

• Sjølvstendig og påliteleg, med evne til å halde oversikt

• Tydeleg og presis i skriftleg kommunikasjon

• Strukturert, og komfortabel med ein variert kvardag med både praktiske og administrative oppgåver

Erfaring med klatring eller buldring er eit pluss, men ikkje eit krav. Det viktigaste er at du har lyst til å vere med og byggje opp eit levande buldremiljø på Voss.

Arbeidsoppgaver

Som dagleg leiar vil du vere bindeleddet i den daglege drifta, i tett samarbeid med styret i Klyv AS. Arbeidsoppgåvene omfattar mellom anna:

• Kundehandsaming -- vere eit blidt og serviceinnstilt ansikt utad

• E-postkorrespondanse -- følgje opp hendingar, spørsmål og informasjon

• Økonomirapportering -- enkel økonomistyring og oversiktlege rapportar

• Oppfølging av reinhald -- sikre god standard i dialog med eksterne reinhaldsfirma

• Inneklima -- ha ansvar for at ventilasjon og tekniske system fungerer godt

• Medlemskapshandsaming -- administrasjon av medlemmar, betalingar og kommunikasjon

• Bemanningsplanar -- setje opp vakter og sørgje for forsvarleg bemanning

• Planlegging av ruteskruing -- koordinere med ruteskruarar og lage gode skruplanar

• Adgangskontroll -- administrere nøklar, kort og system for inn- og utpassering

Vi tilbyr

• Moglegheita til å vere med frå starten i utviklinga av Voss sitt nye buldresenter

• Ei variert, sjølvstendig og meiningsfull rolle

• Høve til å påverke rutinar, miljø og kultur i senteret

• Ein arbeidskvardag i eit miljø som kombinerer aktivitet, fellesskap og utvikling

• Fri tilgang til senteret

• 40--60 % stilling, avhengig av erfaring og kapasitet

• Om lag 200 kr/time, med rom for drøfting

• Arbeidstid vil variere, og noko kvelds- og helgearbeid må påreknast

Merk: Tilsetjing skjer med forbehald om at senteret faktisk blir realisert.

Oppstartstidspunkt vil bli avklart så snart etableringsprosessen er endeleg. Førebels tiltenkt oppstart er mars 2026.

Søknader med CV blir vurderte fortløpande, og stillinga blir fylt når me finn rett person. Anbefalar interessentar å søkje snarast.

Me gler oss til å høyre frå deg -- og kanskje til å byggje eit inspirerande buldresenter på Voss saman med akkurat deg!