Eigedomssjef 

Om arbeidsstaden

Eigedomssjef er einingsleiar og rapporterer til kommunalsjef for samfunnsutvikling. Samfunnsutvikling er ein av tre sektorar i Austevoll kommune. I denne sektoren inngår utbyggingsprosjekt, folkehelse, samfunns- og arealplan, byggesak, eigedomsforvaltning, drift og vedlikehald, brann og redning, kultur, idrett og frivilligheit. Sektoren har om lag 50 tilsette.

Om stillinga

Austevoll kommune har ledig stilling som einingsleiar for eigedom, veg og drift. Dette er ei eining som er nyoppretta og skal etablerast i løpet av våren 2026. Eininga skal leiast av eigedomssjef som skal rapportere til kommunalsjef for samfunnsutvikling. 

Som einingsleiar får du ansvar for å etablere eininga, i tett samarbeid med kommunalsjef. I denne rolla vil du ha overordna ansvar for økonomistyring, personalleiing og fag. Vi søkjer deg som har ei strategisk forståing og som kan vere med å etablere den nye eininga og vidareutvikla den. 

Ansvars- og arbeidsoppgåver

Einingsleiar for eigedom, veg og drift har ansvar for følgjande område: 

• Eigedom-, veg- og hamneforvaltning 
• Veg- og hamnemynde 
• Drift og vedlikehald av kommunale bygg og anlegg, vegar og hamn 
• Reinhaldstenester 
• Bustadkontor

 

Einingsleiar for eigedom, veg og drift har ansvar for følgjande oppgåver: 

• Økonomi-, personal- og fagansvar for eininga, og skal ha fokus på strategi, system og utvikling. 
• Sikre heilskapleg ressursforvaltning og følgje kommunens system og prosessar for økonomiplanlegging, økonomistyring og rapportering. 
• Ansvar for kommunens eigedomsstrategi og oppfølging av denne. Ei viktig oppgåve for einingsleiar vil vere god planlegging, ressursstyring og prioritering, både knytt til dagleg drift og langsiktig vedlikehald, anskaffingar og investeringar. 
• Ansvar for forvaltning av avtalar og kontraktar innan eigedomsområdet, og bidra til berekraftig drift med vekt på energieffektive, miljø- og klimavennlege løysingar. 
• Ansvar for å etablere eit godt samarbeid med andre sektorar i kommunen og eksterne aktørar. 
• Forvaltning av kommunale tenestebilar

Kvalifikasjonar

 

• Relevant høgare utdanning, fortrinnsvis tekniske og eigedomsrelaterte fag. Lang og relevant erfaring kan erstatta utdanningskravet. 
• Erfaring frå eigedomsdrift og -forvaltning 
• Erfaring med leiing av fag, personal og økonomi
• Erfaring med prosjekt- og prosessleiing og utviklingsarbeid 
• Kunnskap om offentleg forvaltning og politiske prosessar er ein fordel 
• God skriftleg og munnleg framstillingsevne 
• Førarkort klasse B

Personlege eigenskapar vi verdset:

• Vere ansvarleg, strukturert og initiativrik
• Vere målretta og sjølvstendig med god evne til å skape engasjement 
• Ha god rolleforståing 
• Evne til å tenke heilskapleg, prioritere innsats og ha høg gjennomføringsevne
• Evne til å handtere komplekse oppgåver 
• Ha strategisk forståing for utvikling 
• Samarbeidsorientert og god evne til å bygge relasjonar internt og eksternt

Søkjar må vere personleg eigna, og ved tilsetting vil vi legga stor vekt på dei personlege eigenskapane vi ønsker for stillinga.

Vi tilbyr

• Ei spanande rolle og moglegheit til å etablere ei nyoppretta eining i Austevoll kommune.
• Varierte og utviklande oppgåver i eit tenesteområde under utvikling
• Moglegheit for fagleg utvikling i eit godt og positivt fagmiljø 
• Spanande utfordringar
• Løn etter kvalifikasjonar 
• Delvis heimekontor og fleksibel arbeidstid 
• Gode pensjons- og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.

For ytterlegare informasjon om stillinga, vennleg kontakt Mercuri Urval (MU) ved Ragnhild Rabbe Sandven, tlf 941 21 369 eller Gro Reinertsen, tlf 975 59 058.

Meld di interesse ved å laste opp CV og søknadsbrev innan 09.01.26. All kontakt til Mercuri Urval vil bli behandla konfidensielt, om ønskeleg også overfor oppdragsgivar.