Familieterapeut/miljøterapeut

Har du eit engasjement for barn og unge med psykiske helseutfordringar og/eller problematisk rusbruk? Vi søker no etter ein engasjert og fagleg trygg familieterapeut eller miljøterapeut i 100 prosents stilling til eit eittårig engasjement, med mogeleg forlenging. Stillinga er knytt til eit statleg tilskot, og har som mål å utvikle og forbedre tenester som fremjar tidleg innsats, heilskapleg oppfølging og auka livskvalitet for barn og unge. Du vil bli ein del av eit tverrfagleg miljø med høg fagleg kompetanse og stort engasjement for målgruppa. Arbeidet vil innebære både tett kontakt med enkeltpersonar og familiar for å tilby støtte, veiledning og behandling og samarbeid med andre tenester. Her vert det mogleg å jobbe variert og meiningsfullt- både individuelt og i grupper, på kontoret og ute i felt. 

Tenesta for psykisk helse og rus er organisert under avdeling for barn, familie og helse, og er lokalisert på Eggesbønes. Seksjonen er samlokalisert med barneverntenesta, seksjon forebygging (helsestasjon) og seksjon for rehabilitering.
I tenesta gir vi tilbod og oppfølging til personar som har vanskar knytte til psykisk helse og rus i alle aldersgrupper, og til deira pårørande. Vi samarbeider tett med dei andre helse- og omsorgstenestene. Det er 12 tilsette i seksjonen, med tverrfagleg kompetanse. Kommunepsykologen er organisert i seksjonen.

Arbeidsoppgåver

• gi oppfølging og støtte til barn og unge med psykiske helseutfordringar og/eller problematisk rusmiddelbruk og deira familiar.
• etablere og vedlikehalde trygge relasjonar gjennom samtalar, aktivitet og miljøterapeutisk arbeid
• pådrivar for aktivitet
• samarbeide tett med foresatte, skular, helsetenester og andre relevante instansar
• foreldrerettleiing og oppfølging av pårørande
• bidra til tidleg kartlegging og vurdering av behov for tiltak
• delta i fagmøter og bidra til utvikling av tilbodet i tråd med målsettingane for tilskotet
• være ein aktiv del av det tverrfaglege teamet og bidra til heilheitleg oppfølging
• noko arbeid på ettermiddag/kveld kan bli aktuelt

Kvalifikasjonar

• minimum treårig utdanning på høgskule- eller universitetsnivå, fortrinnsvis innan familieterapi, vernepleie, sosialt arbeid, psykisk helsearbeid eller annan helse- og sosialfagleg bakgrunn
• erfaring fra arbeid med barn og unge med psykiske helseutfordringar og/eller rusproblematikk
• god kjennskap til tverrfagleg samarbeid og samhandling med andre tenester
• god relasjonell kompetanse og samarbeidsevner
• evne til å arbeide sjølvstendig og i team.
• personleg eignaheit vil bli vektlagt.
• sertifikat klasse B og disponere eigen bil

Herøy kommune har nynorsk som administrasjonsmål.
Godkjent politiattest må leggast fram før tilsetting. 

Vi ber om at du lastar opp attestar og vitnemål i Webcruiter saman med søknaden.

Personlege eigenskapar

• Du er trygg, tolmodig og trivst med motivasjons- og utviklingsarbeid.
• Du må kunne jobbe strukturert og sjølvstendig, samstundes som du samarbeider godt i team.
• Du har interesse for å jobbe med barn og ungdom og har evna til å sjå ressursar ved den enkelte.
• Du ønsker å gjere ein forskjell for personar som har vanskar knytte til psykisk helse og rus.
• Du er ansvarsbevisst og toler å stå i krevjande situasjonar.
• Du er fleksibel, løysingsorientert og god til å prioritere i daglege oppgåver.
• Vi verdset evna til å skape trivsel, inspirere og bidra til et trygt og støttande arbeidsmiljø.
• Personlege eigenskapar og evne til samarbeid vil bli vektlagt i stor grad.

Vi tilbyr

• spennande og meiningsfylte arbeidsoppgåver, med mogelegheit til å påverke og utvikle tenesta
• gode mogelegheiter til å påverke og utforme eige arbeid
• eit tverrfagleg fagmiljø med stort engasjement
• dagarbeid med fleksitidsordning
• gode pensjons- og forsikringsordningar gjennom KLP
• IA-bedrift 
  

Herøy kommune er i kommunegruppe 5. Dersom du bur og arbeider i kommunen, kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen. 

Vi tilset på dei vilkåra som går fram av gjeldande tariffavtale, lover og reglement. Søkarlista kan verte offentleggjort. Aktuelle kandidatar vert kalla inn til intervju.

Kontaktinformasjon

Monica Svoren, Avdelingsleiar barn-familie og helse, 92885795
Silje Ringstad, Seksjonsleiar psykisk helse og rus, +47 90287333

Arbeidsstad

Eggesbøvegen 11
6092 Fosnavåg

Nøkkelinformasjon:

Arbeidsgivar: Herøy kommune

Referansenr.: 4986833024
Stillingsprosent: 100%
Engasjement
Startdato: 01.09.2025
Søknadsfrist: 21.07.2025