Sjåfør

Eining for Behandlingshjelpemiddel (BHM) søkjer ein engasjert og serviceinnretta sjåfør til 100 % fast stilling.

Eining for Behandlingshjelpemiddel er ein del av Medisinsk-teknisk avdeling, og er organisert i to seksjonar: Seksjon for kliniske fag og Seksjon for logistikk og verkstad. Eininga har totalt 37 tilsette, og tilsettgruppa omfattar sjukepleiarar, merkantilt personell, ingeniørar, lagermedarbeidarar, sjåførar, assistentar og stab. Vi arbeider saman for å finne gode løysingar for pasientane våre og for å sikre ei effektiv drift.

Seksjon for logistikk og verkstad har ansvar for logistikktenester og teknisk oppfølging av medisinsk utstyr til heimebuande pasientar. I tillegg vert utstyr levert til sjukehus, sjukeheimar og andre institusjonar. Tenesteområdet for denne stillinga vil i hovudsak omfatte transport og logistikk knytt til levering av medisinsk utstyr og forbruksmateriell innan fagområda diabetes, respirasjon og ernæring. Vi har eit vidt geografisk leveringsområde, fordelt på to bilar. Levering skjer på faste vekedagar til dei ulike områda. Det er tett samarbeid mellom sjåførane, som støttar kvarandre ved behov. Arbeidet kan tidvis vere fysisk krevjande og tungt.

Som sjåfør ved BHM har du dagleg kontakt med pasientar, og du bistår med enkel opplæring, problemløysing og gjennomgang av medisinsk utstyr som er i bruk heime hos pasientane. Du må difor kunne tileigne deg kunnskap om, og bli godt kjent med, varene og utstyret vi leverer. Nødvendig opplæring vil bli gitt. Sjåførane er eit viktig bindeledd mellom pasientane og eininga, og samarbeider tett med tilsette på lager, verkstad og klinisk seksjon for å sikre god service og oppfølging av pasientane. Det er difor eit krav at du har gode kommunikasjons- og samarbeidsevner.

I tillegg til transportoppgåver kan det i denne stillinga være behov for bistand på lager. Du må raskt kunne tileigne deg nødvendig kompetanse innan dei systema vi brukar. Arbeidskvardagen er prega av høgt tempo, og vi søkjer deg som arbeider effektivt og har god omstillingsevne.

Du kan lese meir om oss: https://www.helse-bergen.no/avdelinger/driftteknisk-divisjon/medisinsk-teknisk-avdeling/behandlingshjelpemiddel/

Arbeidsoppgåver omfattar mellom anna

• Utføre transport og logistikk av medisinsk utstyr
• Planleggje og gjennomføre køyreruter
• Laste og sikre gods forsvarleg i bil
• Levering av varer og utstyr til pasientar
• Bruke digitale verktøy, som Microsoft 365 og elektronisk køyreruteprogram, for oversikt og planlegging
• Samarbeide og samhandle med kollegaer og faggrupper internt i eininga, pasientar, pårørande, tilsette ved klinikkar og avdelingar ved Haukeland universitetssjukehus, institusjonar i kommunane og andre relevante samarbeidspartnarar
• Vere eit bindeledd mellom eininga og pasientane
• Ansvar for vedlikehald av bilene i bilparken, inkludert reinhald, dekkskift og oppfølging av service
• Gje enkel opplæring og rettleiing i bruk av medisinsk utstyr og forbruksmateriell
• Bistå på lager

Du må ha

• Minimum førarkort klasse B
• Gode ferdigheiter i norsk, både munnleg og skriftleg
• Gode kommunikasjons- og samarbeidsevner
• Relevant arbeidserfaring og kunnskap innan transport og logistikk
  

Vi treng deg som

• Har erfaring med transport, ruteplanlegging og trygg sikring av last
• Har erfaring frå arbeid med pasientar eller kunder, samt motivasjon og interesse for å yte gode tenester til pasientane våre
• Har teknisk forståing og evne til å løyse praktiske utfordringar
• Har god evne til å tileigne deg ny kunnskap
• Kan arbeide godt både sjølvstendig og i team
• Har god fysisk helse
• Er ærleg, punktleg og påliteleg
• Ser kva som må gjerast, og tilbyr hjelp der det trengst
• Arbeider strukturert og effektivt
• Du tilpassar deg lett, er fleksibel og løysingsorientert
• Du held deg roleg og kontrollert i stressande situasjonar, og arbeider stabilt under press
• Du trivst med å arbeide i eit tverrfagleg miljø og meistrar høgt tempo
• Er positiv, har godt humør og bidreg til eit godt arbeidsmiljø

Vi tilbyr

• Ei spennande og utfordrande stilling
• Meiningsfullt arbeid med pasientkontakt
• Løn i samsvar med gjeldande tariffavtale
• Gode pensjons- og forsikringsordningar
• Eit aktivt og triveleg arbeidsmiljø med dyktige kollegaer
• Fleksitidsordning med kjernetid
• Arbeid på dagtid, måndag til fredag

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Malene Sævrøy Johannessen, Seksjonsleiar, +47 97183736

Arbeidsstad

Solheimsgaten 13
5058 Bergen

Nøkkelinformasjon:

Arbeidsgivar: Helse Bergen HF

Referansenr.: 5070970071
Stillingsprosent: 100%
Fast
Søknadsfrist: 13.02.2026