Trusopplærar i 70 % stilling

Vi søkjer etter trusopplærar i 70 % fast stilling,

med oppstart så snart råd er etter 01.01.2021. Vi treng ein person som vil gå inn i trusopplæringa for born i alderen 0-13 år i alle sokna i fellesrådet sitt område.

Trusopplærar vil saman med kollegaer gå inn i trusopplæringsarbeidet i alle sokna i fellesrådet sitt område etter vedteken trusopplæringsplan. Dei fleste av tiltaka vert utførde i kyrkjer, kyrkjelydshus og bedehus, og i nært samarbeid med medarbeidarar og med sokneprest.

Stillinga er fleksibel og du får stor fridom til å planleggje arbeidstida di sjølv

Hovudarbeidsoppgåver:

• Leie og gjennomføre ulike trusopplæringstiltak for aldersgruppa 0-13 år
• I samarbeid med trusopplærar og frivillige i sokna vidareutvikle trusopplæringsarbeidet for alle i alderen 0-18 år.
• I samarbeid med stab bidra inn i det øvrige kyrkjelydsarbeidet for born og unge.

Kvalifikasjonar:

• Utdanning innan kyrkjelydspedagogikk ein fordel.
• Søkjarar med utdanning innan kristendom, teologi, pedagogikk og med relevant praksis, vil også verte vurderte. Erfaring med kyrkjeleg arbeid for barn og ungdom.
• Erfaring med å bruke IT-verktøy og sosiale mediar i arbeidet
• Den som vert tilsett, må framlegge tilfredsstillande politiattest etter Kyrkjelova § 29.
• Du må vere medlem av Den norske kyrkje.
• Personlege eigenskapar vil verte vektlagde

Personlege eigenskapar:

• Hjarte for trusformidling til barn og unge
• God formidlingsevne og ønske om å formidle bodskapen om Jesus til barn og unge
• God evne til å planlegge og drifte ulike aktivitetar og tiltak
• God relasjonsbygger
• Kreativ og nyskapande
• God evne til å arbeide sjølvstendig og under leiing/ rettleiing i team

Vi tilbyr:

• Ein god og triveleg arbeidsplass og samarbeid i team.
• Spennande, utfordrande og varierte arbeidsoppgåver med høve til fagleg og personleg utvikling
• Tilsetting etter formelle kvalifikasjonar i kyrkjeleg undervisningsstilling
• Løn etter KAs tariffavtale, god pensjonsordning i KLP

Anna:

• Tilsettinga skjer med Storfjorden kyrkjelege fellesråd som arbeidsgjevar, og med sokna i Stranda og Fjord kommunar som arbeidsområde.
• Kontorstad Stranda kyrkjekontor.
• Du må trivast med ein del kvelds- og helgejobbing, plusstid avspaserast etter avtale
• Du kan verte pålagt av arbeidsgjevar å ta utdanning /kurs / fagleg oppdateringar om du manglar formell utdanning