Lyst på ein variert, viktig og givande deltidsjobb med ungdomsarbeid?

Trivst du med å jobbe med ungdomar? Likar du å bidra med nye idear? 

Vi ser etter akkurat deg som likar at jobbkvardagen er variert og gjerne tek ei utfordring. Stillinga er i hovudsak knytt til ungdomsklubben, og du vil ta del i den daglege drifta. 

 

Er du intern søkjar?
Dersom du ønskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Hareid kommune som er ufrivillig deltidstilsette jf. AML §14.3, eller andre forhold knytt til lover og avtaleverk som kan gi deg grunnlag for fortrinnsrett. 

Arbeidsoppgåver

Ungdomsklubben er eit ope tilbod for ungdom frå og med 8. klasse og til og med VGS-alder, og har gamingrom, bandrom, biljard, bordtennis, fotballspel mm . Det er også ein stad der ungdom berre kan kome og møtast.

Vi skal også opne BUA. BUA står for Barn-Unge-aktivitet og er ein nasjonal ideell organisasjon som gjer det enklare for barn og unge å prøve fleire og meir varierte aktivitetar – utan å auke forbruket. Vi skal tilby gratis utlån av utstyr til alt frå sport til friluftsliv, slik at alle får høve til å delta uansett økonomiske føresetnader. 

Opningstidene på ungdomsklubben er måndag – fredag 14.00 – 16.00, og kveldsope ein dag i veka. Det er også ope med aktivitetar i haust – vinter- og ei veke i sommarferien. Arbeidstida kan vi tilpasse og avtale nærare. Du må vere budd på kvelds- og helgearbeid, og arbeid med andre arrangement for ungdom.

Program for ungdomsklubben

Kvalifikasjonar

Det er ingen særskilde krav til formell kompetanse. Vi legg vekt på at du er personleg godt eigna til jobben, og ønskjer at du har god kjennskap til lokalmiljøet vårt.

Før du startar i arbeid må du levere godkjend politiattest av ny dato.

Personlege eigenskapar

• tydeleg og bevisst rolla di i miljøet
• hjarte for ungdomar
• samarbeidsvillig og kontaktsøkjande, god observasjonsevne, fleksibel og initiativrik
• gode kommunikasjonsevner
• evne til å bidra aktivt til ein god arbeidsfelleskap gjennom dialog, samarbeid og anerkjenning når det gjeld både kollegaer og ungdommar

Vi tilbyr

• faglege utfordringar
• varierte og spanande arbeidsoppgåver
• løn og arbeidsvilkår gjeldande lover og avtaleverk
  

Du må søkje digitalt, og laste opp relevante vitnemål og attestar til søknaden din. Vi gjer merksam på at søknaden blir vurdert ut frå den informasjon som ligg føre. Det er viktig at du viser korleis din kompetanse fyller kriteria for stillinga. 

Tilsettinga skjer på vanlege kommunale vilkår. Aktuelle kandidatar kan bli kalla inn til intervju etter nærare avtale.

 

Hareid kommune praktiserer meiroffentlegheit ved tilsettingar. Jf. Offentleglova § 25 kan du som søkjar be om å ikkje bli oppført på offentleg søkjarliste. Om du ønskjer å reservere deg, må du opplyse om dette og grunngi søknaden. Hareid kommune kan likevel avgjere at namnet ditt skal offentleggjerast. Du blir kontakta i forkant.

Kontaktinformasjon

Melinda Skeide, Einingsleiar, +47 41665873

Arbeidsstad

Rådhusplassen 5
6060 HAREID

Nøkkelinformasjon:

Arbeidsgivar: Sektor for samfunnsutvikling

Referansenr.: 5040848225
Stillingsprosent: 100%
Fast
Søknadsfrist: 27.11.2025