Nav Ørsta-Volda utvidar sitt velferdsteam og søkjer etter ein motivert, målretta og strukturert rettleiar i ei fast 100 % stilling.

Er du ein person med pågangsmot og engasjement som ønskjer å gjere ein forskjell? Trivast du i ein hektisk kvardag med stor variasjon av oppgåver? Då kan du være den vi ser etter.

Teamet du vil bli ein del av har både kommunale og statlege tilsette, og er ansvarleg for sakshandsaming, rettleiing og oppfølging etter Lov om sosiale tenester. I tillegg har teamet ansvar for økonomisk rådgiving og økonomisk forvaltning.

Vårt kontor jobbar tverrfagleg og som rettleiar vil du samhandle og samarbeide tett både internt og eksternt til det beste for brukarane. Vi har høgt arbeidstempo, som krev at du evnar å jobbe effektivt, sjølvstendig og strukturert for å lykkast.

NAV Ørsta-Volda er lokalisert sentralt i Tindebygget sentralt i Ørsta og er i dag 31 tilsette. Våre to kommuner har til saman ca. 22.000 innbyggjarar og eit mangfaldig og godt næringsliv. Som rettleiar hjå oss blir du ein del av eit engasjert fagmiljø som jobbar aktivt for å utvikle stadig betre tenester for innbyggjarar og arbeidsgivarar i våre to kommunar.

Arbeidsoppgaver

• Kartlegging, rettleiing og sakshandsaming etter Lov om sosiale tenester i Nav
• Råd og rettleiing i personleg økonomi
• Følgje opp deltakarar i Kvalifiseringsprogrammet (KVP)
• Tverrfagleg samarbeid internt, og med Nav sine samarbeidspartar
• Bidra til fagutvikling og utvikling av tenesta Arbeidsoppgåvene kan endrast ut frå behovet i kontoret

Kvalifikasjoner

• Minimum treåring sosialfagleg eller økonomisk utdanning (bachelorgrad) frå høgskule eller universitet. Anna relevant utdanning og erfaring kan bli vurdert
• Erfaring frå rettleiings-, motivasjons- og/eller endringsarbeid for menneske i ulike livssituasjonar
• Erfaring frå sakshandsaming
• God digital kompetanse og evne til å raskt sette deg inn i nye datasystem
• God økonomisk forståing
• Gode kommunikasjonsevner og god skriftleg framstillingsevne på norsk
  

Det er ønskeleg at du har:

• Forvaltningsrett eller arbeids- og velferdsfag
• Erfaring med sakshandsaming etter lov som sosiale tenester i Nav og kjennskap til fagsystemet Velferd
• Erfaring frå disponering-/forvaltningssaker og/eller gjeldsrådgiving

Personlige egenskaper

• er målretta, strukturert og trivast med høgt arbeidstempo
• har stor arbeidskapasitet
• er robust, effektiv og alltid på jakt etter gode løysingar
• møter menneske i sårbare livssituasjonar med respekt, empati og profesjonalitet uavhengig av kultur og nasjonalitet
• har evne til å motivere og skape gode relasjonar og tillit hos brukarar, kollega og samarbeidspartar
• tek ansvar, er ein god lagspelar og bidreg positivt inn i arbeidsmiljøet
• har evne til å sjå moglegheiter og finne gode og kreative løysingar
• er fleksibel og kan handtere uføresette hendingar og arbeidsoppgåver
  

Personleg eignaheit vil bli tillagt stor vekt.

Vi tilbyr

• Meiningsfulle og utfordrande arbeidsoppgåver i engasjerte tverrfaglege team
• Moglegheiter for fagleg- og personleg utvikling
• Eit arbeidsmiljø prega av høg kompetanse og engasjerte medarbeidarar
• Fleksibel arbeidstid
• Stillinga tilhøyrar stillingskode 1408 Førstekonsulent med løn frå kr. 548.600 til 604.900, avhengig av erfaring og kvalifikasjonar
• Gode pensjons-, forsikrings- og låneordningar gjennom Statens pensjonskasse (frå lønna trekkast 2%)

Kontaktinformasjon

Janne Helen Ringstad, Avdelingsleiar, 404 92 064, janne.helen.ringstad@nav.no
Marte Jelle, Kontorleiar, 476 52 735, marte.jelle@nav.no

Arbeidssted

Ivar Aasen-gata 10
6150 Ørsta

Nøkkelinformasjon:

Arbeidsgiver: NAV

Referansenr.: 4937502190
Stillingsprosent: 100%
Fast
Søknadsfrist: 30.03.2025