Ung kvinne på 24 år søkjer BPA-assistent

Kven er eg?

Eg er 24 år og bur i eige hus. Eg likar kreative aktivitetar, som å høyre på musikk og danse fritt, spele piano og munnspel, pusle og bygge med Lego. Å gå turar ute er òg noko eg likar godt. Eg trivst best når det er roleg og trygt rundt meg. Difor ser eg no etter trygge og omsorgsfulle assistentar som vil vere saman med meg i kvardagen.

Kven er du?

Eg ser etter deg som er:

• roleg og tolmodig
• omsorgsfull og trygg
• stabil og til å stole på

Erfaring frå helse- eller omsorgsarbeid er ein fordel, men ikkje eit krav. Det kan vere ein fordel, særleg med tanke på oppfølging av blodsukker. Det viktigaste er likevel dine personlege eigenskapar og at vi får ein god kjemi. Du vil få god opplæring.

Eg kommuniserer ved hjelp av teikn til tale og ein snakkemaskin. Du treng heller ikkje kunne dette frå før, opplæring vil bli gitt.

Ein med-arbeidsleiar hjelper meg med dagleg drift av assistansen. Me er fleksibel og håpar at dette kan gjelde begge vegar.

Kva skal du gjere?

Som assistenten min vil du vere ein viktig del av kvardagen min og bidra til tryggleik og gode rutinar.

Arbeidsoppgåver kan vere:

• vere til stades og bidra til tryggleik om natta
• støtte meg i kommunikasjon
• hjelpe til med oppfølging av diabetes og blodsukker
• bistå med personleg hygiene
• reingjering/husarbeid/matlaging
• fylgje til dagsenter og andre aktivitetar

Arbeidstida vil vere om natta og noko på dagtid. Det er vaken nattevakt. Det er no fleire stillingar ledig. Stillingsstorleik vert avgjort i samråd med deg og er del av ein kabal som vert lagt.

Kva krevst av deg?

• Plettfri vandel/politiattest
• Gode norskkunnskapar, då dette er eit krav frå oppdragsgjevar
• Førarkort klasse B manuell

Om stillinga: Fast stilling, deltid, hovudsakeleg på natt, men også noko på dag. Kvardag og helg. Stillingsstorleik vert avgjort i samråd med deg.

Eg håper du synest dette høyrest interessant ut og gler meg til å lese søknaden din. Kandidatar vert kontakta fortløpande, så ikkje nøl med å søkje eller ta kontakt dersom du har spørsmål til stillinga 😊

Som personlig assistent i JAG utgjør du en forskjell hver dag, og personlig egnethet er avgjørende.