Seniorkonsulent (studiekonsulent) ved Institutt for lingvistiske, litterære og estetiske studier

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Seniorkonsulent (studiekonsulent)

Ved Institutt for lingvistiske, litterære og estetiske studium (LLE) er det ledig eitt til to vikariat i 100 % stilling som seniorkonsulent (studie/eksamenskonsulent) med tilsetting snarast mogleg og ut 2025, med moglegheit for forlenging. 

LLE er eitt av fire institutt ved Det humanistiske fakultet ved Universitetet i Bergen. Instituttet femner om faga litteraturvitskap, språkvitskap, norsk som andrespråk, nordisk språk og litteratur, norrøn filologi, kunsthistorie, klassisk filologi, teatervitskap, digital kultur og norskkurs for utanlandske studentar og tilsette. Det er om lag 80 vitskapeleg tilsette ved instituttet, 50 ph.d.-kandidatar og postdoktorar og 17 personar knytte til administrasjonen. Studiegruppa består av åtte tilsette med studieleiar som koordinator. Administrasjonssjef er personalansvarleg. 

Arbeidsoppgåver:

Stillinga har varierte oppgåver innan studieadministrasjon, med hovudområda:

• planlegging og avvikling av eksamen og undervisning
• kontakt med fagmiljøet og særleg fagkoordinatorar 
• rettleiing, mottaking og oppfølging av studentar
• studieplanarbeid
• oppfølging av utdanningsplanar og masterkontraktar
• kontakt med interne og eksterne sensorar 
• sekretær for programstyre
• informasjons- og rekrutteringsarbeid
• ymse sakshandsaming
• rutineutvikling og deltaking i fagleg-administrative nettverk

Målsetjinga for administrasjonen er å leggje til rette for at det kan drivast utdanning, forsking og formidling av høg kvalitet ved instituttet. 

Alle i administrasjonen må rekne med å ta del i andre administrative oppgåver enn dei som i utgangspunktet ligg til stillinga.

Kvalifikasjonar:

• Mastergrad eller anna utdanning tilpassa dei oppgåvene stillinga skal dekkje. Lang, relevant praksis kan i særskilte høve kompensere for manglande formell utdanning.
• God skriftleg og munnleg framstillingsevne på nynorsk, bokmål og engelsk er naudsynt. 
• Erfaring med studieadministrasjon, eksamensadministrasjon og undervisningsplanlegging er ein føremon. 
• Kjennskap til eller bakgrunn frå instituttets fagtilbod er ein føremon. 
• Kjennskap til universitets- og høgskulesektoren og offentleg forvaltning er ein føremon.
• Relevant IT-/systemkunnskap (til dømes FS, Elements, Inspera) er ein føremon.
• Interesse for - og gode evner innan rettleiing og sakshandsaming vert vektlagt.

Personlege eigenskapar: 

• Evne til å vere nøyaktig og merksam på detaljar.
• Gode samarbeids- og kommunikasjonsevner, initiativ, fleksibilitet og sørvisinnstilling. 
• Evne til å arbeide sjølvstendig, strukturert og målretta. 
• Evne til prioritering og orden i fasar med stort arbeidspress. 

Personlege og ønskelege eigenskapar for stillinga vil bli tungt vektlagt i tilsetjinga.

Vi tilbyr:

• Eit godt og inkluderande arbeidsmiljø, utfordrande arbeidsoppgåver og høve til utvikling og kompetanseheving.
• Løn som seniorkonsulent (1363) med ei årsløn på 590 000,- til 620 000,- avhengig av erfaring og kvalifikasjonar. For særskilt kvalifiserte søkjarar kan det bli aktuelt å vurdere høgare løn. 
• Ei stor kontaktflate i organisasjonen. 
• Erfarne kollegaer som deler kunnskap. 
• Fleksitid og gode velferdsordningar. 
• Medlemsskap i Statens pensjonskasse.

Generell informasjon:

Utfyllande opplysningar om stillinga kan ein få ved å vende seg til studieleiar Signe Nilssen ved Institutt for lingvistiske, litterære og estetiske studium, telefon 55 58 88 23, e-post  signe.nilssen@uib.no.

Søknad og CV skal sendast elektronisk via lenkja «SØK STILLINGA». Kopi av vitnemål og attestar skal lastast opp som vedlegg til søknaden. Nærare om tilsettingsprosessen her.

Den som vert tilsett, må rette seg etter dei retningslinene som til ei kvar tid gjeld for stillinga.

Opplysningar om søkjaren kan bli gjorde offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.