Ráđđeaddi/vuosttaškonsuleanta

Bargoviidodat virggis

Sámi allaskuvlla ekonomiijaossodagas lea bajitdási ovddasvástádus ekonomiija hálddašeamis. Dása gullá ekonomiijaraporteren, rehketdoallu ja bušeahttajuohkin. Ekonomiijaossodagas maiddai lea ovddasvástádus olggobeale ruhtaduvvon doaimmain. Ossodat lea veahkkin ea.ea bušehteremis ja bušeahtta čuovvulemiin, maiddai ekonomiijaraporteremiin olggobeale berošteddjiide ja siskkáldas dárbbuide.

Ossodagas lea dál ohcan láhkai bistevaš virgi ráđđeaddin/vuosttaškonsuleantan. Virgái gullet earret eará čuovvovaš barggut:

• Bargat Sámi allaskuvlla rehketdoallobargguid
• Doarjut prošeaktajođiheddjiid ja prošeaktabargiid bušeahtaid-ja rehketdoalloraporttaid ektui
• Ráhkadit ekonomiijaplánaid ja bušeahtaid
• Gozihit ahte prošeavttat(olggobealde ruhtaduvvon doaimmat) čađahuvvojit almmolaš njuolggadusaid ektui
• Rehketdoalloraporttaid ráhkkanahttit
• Doarjut systemáhtalaš gelbbolašvuođaloktema ekonomiijasuorggis
• Bušeahttačuovvoleapmi ja ekonomiijaanalysa

Virggehas raportere Sámi allaskuvlla ekonomiijahovdii ja virgái sáhttet maid biddjot eará doaimmat dárbbu mielde. Virggi sajádat organisašuvnnas ja bargoviidodat sáhttá rievdat.

Gelbbolašvuođagáibádusat

* Gáibiduvvo relevánta universitehta dehe allaskuvlla dási oahppu ekonomalaš- hálddahuslaš fágain, unnimusat bachelor dásis. Relevánta reálagelbbolašvuohta sáhttá buhttet oahppogáibádusa.

*Lea ovdamunnin jus máhttá duođaštit buori gelbbolašvuođa ekonomiija dihtorvuogádagaid hálddašeamis. Allaskuvla geavaha Agresso, Unit 4 ja Public360 ekonomalaš- hálddahuslaš doarjjavuogádahkan.

*Eaktuduvvo buorre gelbbolašvuohta Excelas

*Ovdamunni dovdat stáhta ekonomiijanjuolggadusaid, earenoamážit dan mii guoskka universitehta- ja allaskuvlasektorii.

*Relevánta bargovásáhus lea ovdamunni.

*Buorit bargo- ja ovttasbargonávccat

*Buorre máhttu sámegielas beaivválaš bargogiellan, sihke njálmmálaš ja čálalaš. Lassin gáibiduvvo vel ahte máhttá sihke njálmmálaččat ja čálalaččat ovtta skandinávalaš giela.

Virgái deattuhit muđui persovnnalaš heivvolašvuođa, earret eará dárkilvuođa, čorgatvuođa ja iešheanalašvuođa bargguid čađaheamis.

Bálká

Virgi bálkáhuvvo ánssu mielde Stáhta bálkáplána 90.500 vuođul, virgekoda 1434 ráđđeaddi dahje Stáhta bálkáplána 90.103 vuođul, virgekoda 1408 vuosttaškonsuleanta. 

Bálká mearriduvvo ohcci oahpu ja bargohárjáneami vuođul. 

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas. 

Bálkkás gesso 2 % geatnegahtton divat Stáda penšunkássii.

Mii fállat

*Virggi mas ovdánahttinvejolašvuođat, viiddis ja máŋggabealat fágabirrasis 

* Ođđaáigásaš visttiid 

*Máŋggabealat čálgofálaldagaid 

*Heivehahtti bargoáiggi

* Buori bargobirrasa mas alla gelbbolaš bargit iešguđetge fágasurggiin 

* Ealli sámegielbirrasa guovddáš sámi guovllus 

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin: 

* CV

 * Bargoduođaštusaid 

* Oahppoduođaštusaid 

Mii bivdit du maiddái almmuhit 2 referánssa. 

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. 

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. 

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Dievdoolbmot ávžžuhuvvojit ohcat dásseárvvo- ja vealahanlága § 11 ja § 29 vuođul. Jus guovtti dahje eanet ohcciin lea sullii seamma gelbbolašvuohta virgái, de
vuoruhuvvo dievdoolmmoš ovddabeallái nissonolbmo dásseárvvo- ja vealahanlága § 11 vuođul.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde. 

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu ossodatjođiheaddjis Mikkel Anders Kemi, e-poasta: mikkelak@samas.no, tlf: +4778448412/ +47 901 34 539