Norsk Landbruksrådgiving SA søkjer grovfôrrådgivar i Nord-Gudbrandsdal

Vil du bli ein del av landbrukets viktigaste kompetansebedrift? NLR har ledig inntil 100 % fast stilling, innan fagområdet grovfôr. Rådgivaren skal betene produsentar i kommunane Skjåk, Lom, Vågå, Lesja og Dovre. Kontorstad kan bli tilpassa etter kvar kandidaten bur.

I NLR SA står du midt i utviklinga av norsk matproduksjon. Du vil vere med å påverke retningsval og produksjon hjå næringsutøvarar i landbruket, og dermed gje eit viktig bidrag til utviklinga av landbruket og maten vi alle er avhengige av kvar einaste dag.

Vi i NLR er nysgjerrige på å finne nye og betre måtar å hjelpe kundane våre på! Våre tilsette sin fagkompetanse og vilje til utvikling, er avgjerande for å lukkast med oppdraget vårt. Vi tek godt vare på folka våre, og oppmuntrar og legg til rette for personleg- og fagleg utvikling.

Vi søkjer ein sjølvstendig og initiativrik person med gode evner til skriftleg og munnleg kommunikasjon. Du trivst med ein variert arbeidsdag, mykje utearbeid om sommaren og har eit sterkt engasjement for agronomi og god drift hjå bonden.

Du må ha høgare landbruksfagleg utdanning og/eller relevant landbruksfagleg erfaring. Vi oppmodar også erfarne produsentar om å søkje stillinga. Søkjar må ha førarkort klasse B og disponere bil.

• Medlemsrådgiving, individuelt og i grupper
• Planleggje og gjennomføre fagmøte, kurs, prosjekt og feltforsøk
• Utarbeide gjødlingsplanar og ta jordprøver
• Skrive artiklar til nettsider og fagblad
• Andre moglege arbeidsområde kan vere plantevernkurs, økologisk landbruk, klimarådgiving og grovfôrøkonomi, avhengig av søkjaren sine interesser og kompetanse

• Inntil 100 % fast stilling.
• Fagleg utfordrande arbeid i eit aktivt og godt arbeidsmiljø
• Stor grad av sjølvstende og fleksibilitet
• Triveleg arbeidsmiljø
• Løn etter avtale
• Gode pensjon- og forsikringsordningar