Er du vår nye fritidsansvarlege?

ViteMeir - Vitensenteret i Sogn og Fjordane AS

Skarpeteigvegen 2, 6854 Kaupanger

Om jobben

Stillingstittel: Fritidsansvarleg
Type ansettelse: Fast, heltid 100%
Arbeidsspråk: Norsk
Antall stillinger: 1
Arbeidssted: Hjemmekontor ikke mulig

Søk på jobben

Søk senest søndag 7. desember

Er du ein kreativ og løysingsorientert person som samarbeider godt med både små og store? Likar du å bruke både hovudet og hendene, og å utforske realfag på ein leikande måte? Då vil me gjerne høyre frå deg!

Om stillinga

Me ser etter deg som både trivst med å møte gjestane våre, og å halde hjula i gang bak kulissane.

Arbeidsoppgåver

Til stillinga ligg det å ha personalansvar for vitenvertane ved ViteMeir. Vertane jobbar i helgar og i feriar, og gjennomfører aktivitetstilbodet som er planlagd for fritidsgjestane våre. I tillegg vil du:

Ha ansvar for å utvikle, planlegge og gjennomføre fritidsaktivitetstilbodet.

Ha ansvaret for oppfølging og opplæring av vitenvertane.

Gjere enkle driftsoppgåver i samband med vedlikehald av utstillinga.

Ta imot skular og barnehagar i utstillinga.

Kvalifikasjonar og eigenskapar

Me ser etter deg som:

har interesse for realfag

har praktisk sans -- du bør ikkje ha fleire enn to tommeltottar :)

har førarkort klasse B

gjerne har erfaring frå arbeid med barn og unge

har gode samarbeids- og formidlingsevner

er kreativ, løysingsorientert og strukturert

ser kva som bør gjerast -- og gjer det

kommuniserer godt på norsk og engelsk

kan leggje fram politiattest

Har du spesielle eller spennande interesser? Då vil me gjerne høyre om desse i søknaden din.

ViteMeir tilbyr:

Inntil 100 % fast stilling

Fast arbeidstid onsdag ettermiddag og i gjennomsnitt kvar tredje helg

Ein unik sjanse til å forme og utvikle innhaldet i vitensenteret

Kreativt arbeidsmiljø med spennande arbeidsoppgåver

Gode pensjons- og forsikringsvilkår

Løn etter avtale

Oppstart: Etter avtale, seinast 7. april -- gjerne tidlegare!

Søknad: send søknad og CV på e-post til jobb@vitemeir.no

Søknadsfrist: 7. desember

Har du spørsmål? Ta kontakt med Heidi Breili Bøthun, hbb@vitemeir.no, tlf. 970 99 452

Om bedriften

ViteMeir -- Vitensenteret i Sogn og Fjordane as -- er eitt av 13 regionale vitensenter i landet. Senteret ligg på Kaupanger i Sogndal kommune og har vore i drift i fire år. Vårt samfunnsoppdrag er å inspirere til realfagsglede og bidra til rekruttering til kompetanseområde som Noreg treng i dag og i framtida. Dette gjer me gjennom å tilby eit breitt utval interaktive utstillingar og læringsopplegg. ViteMeir skal vere ein attraktiv samlingsplass og ein pådrivar for samarbeid og utvikling i tråd med samfunnsoppdraget vårt.

På ViteMeir får du moglegheit til å bidra inn i ein spennande arbeidsplass i eit kreativt og kompetent team. Dei tilsette ved ViteMeir utgjer om lag 16 årsverk. Senteret skal vere ei drivkraft i regionen i tett samhandling med mellom anna barnehagar, skular og næringsliv.

ViteMeir -- Me inspirerer til berekraftig samfunnsutvikling og leikande læring!