Fagarbeidar/assistent i Kjørnes barnehage

Kjørnes barnehage er ein naturbarnehage som ligg flott til i byggefeltet på Kjørnes, 4 km utanfor Sogndal sentrum, med gode buss- og sykkelforbindelsar. Me har eit stort uteområde med skog, fjordutsikt og varierte leike- og turområde.

Barnehagen har fem avdelingar og legg stor vekt på fysisk aktivitet, friluftsliv heile året og barns medverknad i mat- og måltidsaktivitetar. Me har eige gymrom, variert utemiljø med klatrevegg, ulendt terreng, og ein stor trelavvo som fungera som uteavdeling for storbarnsavdelingane.  

Det er ledig 100 % vikariat som fagarbeidar/assistent i Kjørnes barnehage i Sogndal kommune frå 02.01.2025 til 07.08.2026.

Det kan verte fleire ledige stillingar enn det som er utlyst i denne utlysinga. Då vil me ta kontakt med aktuelle søkjarar frå denne søknadsrunden. Utlysinga gjeld difor og eventuelt andre ledige barnehagestillingar som kan koma til seinare i vinter, og søkarar kan vere aktuelle for stillingar som ikkje er annonsert gjennom denne utlysinga.   

Arbeidsoppgåver:  

•  Skapa eit inkluderande, inspirerande og utviklande leike- og læringsmiljø for alle barna i barnehagen.   

• Ta initiativ, visa engasjement og gjennomføra planlagde aktivitetar på avdelinga. 

• Vera ein aktiv deltakar i barna sin leik og læring både ute og inne. 

• Skapa gode relasjonar til alle barna i barnehagen. 

• Samarbeida med kollegaene og med føresette. 

  Kvalifikasjonar:  

• Fagbrev som barne- og ungdomsarbeidar. 

• Anna relevant utdanning som sosialt arbeid, vernepleiar, barnevernspedagog, idrett, friluftsliv. 

• Erfaring frå arbeid med barn og unge. 

• Nivå A2 på delprøven i skriftleg framstilling og nivå B1 på delprøvane i leseforståing, lytteforståing og munnleg.  

• Interesse og erfaring med friluftsliv og fysisk aktivitet for barn. 

• Interesse og erfaring for mat og helse, og legge til rette for barns medverknad i mat og måltidsaktivitetar. 

• Du kan søkje om du ikkje har godkjend relevant utdanning eller relevant erfaring. 

 Personlege eigenskapar:  

•  Engasjement for arbeid med barn. 

• Positiv, inkluderande og glad i nye utfordringar.  

• Fysisk aktiv og leiken.  

• Tek initiativ og ansvar.  

• Evnar å skapa gode relasjonar i barnegruppa, med føresette og medarbeidarar. 

• Likar å arbeida saman med andre.  

• Taklar høgt tempo i kvardagen.  

• Godt humør.  

Leik er eit prioritert område i Sogndalsbarnehagen. Leiken har ein eigenverdi for barna som ein positiv og lærande aktivitet. 

Leikande barn og leikande vaksne er avgjerande i:  

• Relasjonsbygginga med barna.  

• Det førebyggande arbeidet.  

• Det å skape eit trygt og godt barnehagemiljø for barna. 

 Me tilbyr: 

• Ein spanande jobb i eit godt arbeidsmiljø.  

• Kjekke og varierte dagar. 

• Gode pensjons- og forsikringsordningar.  

• Gode velferdsordningar.  

• Oppfølging og rettleiing  

• Bedriftstrening  

Sogndal kommune – utfordrarbygda med eit høgt kompetansemiljø  
I Sogndal kommune meiner me at medverknad frå barn, føresette og tilsette vil gje eit trygt og godt barnehagemiljø. Me har derfor fokus på tillitsbasert leiing og me er ein kommune som er framoverlent og nytenkjande. Gjennom samarbeid og erfaringsutveksling skal du og andre tilsette sikre god kvalitet og utvikling for alle barna i den langstrakte kommunen vår.     

Sogndal kommune sine verdiar «SOGN» pregar Sogndalsbarnehagen: Samskapande – Open – God – Nysgjerrig . Bli betre kjend med Sogndal kommune her: www.sogndal.kommune.no    

Sogndal kommune er ein stad full av unike opplevingar, vakker natur og spanande arbeidsplassar. Dersom du treng tips til kva du kan finne på når du har fri har me aktivitetskalendaren Kva skjer?