Besøksheim og støttekontakter

Har du husrom og hjarterom til å ta imot barn eller ungdom éi eller fleire helgar i månaden - eller kan du gje nokon ei meir aktiv fritid som støttekontakt?

Stryn kommune treng fleire besøksheimar og støttekontakter. Alle er unike med ulike behov, og vi ønskjer å ha ein god database med kandidatar for å finne den rette vaksne til den einskilde. Difor ønskjer vi at fleire registrerer seg hjå oss.

Kva vil det seie å vere besøksheim?
Å vere besøksheim inneber å ta imot eit barn eller ein ungdom, ei eller fleire helgar i månaden. Besøksheim er eit frivillig hjelpetiltak og ei støtte til familiar som har eit særleg behov. Besøksheimen skal ikkje erstatte barnet sin heim, men vera ein ekstra ressurs for barnet. Det er viktig at besøksheimen består av trygge og stabile vaksenpersonar som har husrom og hjarterom. Barna vil ha stor glede av både kvardagslege og kjekke aktivitetar.

Kven er besøksbarna?
Barna kan ha nytte av å vere saman med andre familiar. For mange av barna er det behov for å oppleve andre rammer med fleire trygge vaksne som bryr seg om dei. Kontakten med dei vaksne har som mål å gje barna overskot, lærdom, stimulans, glede og tryggleik.

Kva vil det seie å vere støttekontakt?
Vi har trong for støttekontakter både til barn, ungdom og vaksne. Som støttekontakt kan du vere med og gje barnet eller ungdommen ei meiningsfull fritid, auka tru på seg sjølv, noko å sjå fram til og gode minne. De kan til dømes gå tur, gå på kafé, kino, trening eller andre sosiale aktivitetar, avhengig av barnet sine interesser og ønskjer. Det skal vera givande både å ha og å vera støttekontakt.
Støttekontakta treng ikkje å ha ein fagleg bakgrunn, men vil få råd og rettleiing.

Personlege eigenskapar

Du bør vere sosial og inkluderande

Vi tilbyr

Betaling etter faste satsar

Kontaktinformasjon

Åshild Heggdal, Einingsleiar, 93446790

Arbeidsstad

Tonningsgata 4
6783 Stryn

Nøkkelinformasjon:

Arbeidsgivar: Stryn Kommune

Referansenr.: 4904532711
Stillingsprosent: 100%
Fast
Søknadsfrist: 31.01.2025