Rådgivar karriererettleiing Nordmøre

Vi søker etter

ein engasjert og initiativrik rådgivar som skal Rådgivar karriererettleiing Nordmøre på vegen til utdanning og arbeid.

Du får jobbe med

Å gjennomføre karriererettleiing for nye busette flyktningar. Fylkeskommunen har fått ansvar for å karriererettleie flyktningar før dei skal starte i introduksjonsprogrammet i dei kommunane dei er blitt busette i. Karriererettleiinga blir fortrinnsvis gjennomført ute i kommunane, du må derfor pårekna å reise i fylket.

Du vil óg kunne få arbeide med utviklingsoppgåver på karrierefeltet.

Fullføringsreforma, kompetansereforma og signal i utkast til ny opplæringslov kan føre til behov for å auke arbeidsoppgåvene til Karriere Møre og Romsdal. Innhaldet i arbeidsoppgåver kan bli noko endra når dette trer i kraft frå hausten 2024.

Vi søker deg som har

• relevant utdanning frå høgskule/universitet
• gjerne rettleiarkompetanse og erfaring med karriererettleiing av flyktningar
• god skriftleg og munnleg formidlingsevne

Vi vil også legge vekt på at du

• har evne til å arbeide sjølvstendig, systematisk og målretta
• er ein lagspelar som likar å samarbeide, dele og inkludere, og som tenker på tvers av fagområde
• er god på å bygge relasjonar og nettverk
• trivst med å vere representant og tenesteytar ute i kommunane
• har evne til å vere i omstilling, takle nye oppgåver, vere innovativ og sjå moglegheiter

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale

Om arbeidsplassen

Kompetanse- og næringsavdelinga har ansvaret for Karriere Møre og Romsdal, og arbeider for berekraftig vekst og nyskaping i næringsliv og kommunar. Det er om lag 80 tilsette på avdelinga. Stillinga er lagt til seksjon karriere og oppfølging med kontorstad i Kristiansund.

Du kan lese meir om kompetanse- og næringsområdet på nettsidene til Møre og Romsdal fylkeskommune, mrfylke.no

Andre opplysningar

Vi har som mål å spegle mangfaldet i befolkninga.
Alle med kompetansen vi etterspør er velkomne til å søke ledig stilling hos oss.

Du må ha førarkort klasse B.

Søk på stillingen ved å klikke på “Søk på stilling” knappen på denne siden.