Rettleiar

Ynskjer du å medverke til at fleire vert inkludert og deltek aktivt i samfunnet? Då kan du vere kollegaen me ynskjer oss. 
NAV Stord har om lag 70 tilsette og er regionskontoret i Sunnhordland. Avdelinga vår som arbeider etter lov om sosiale tenester har ledig eit vikariat i 100% stilling, med oppstart snarast og fram til 31.08.24.

Du som søkjer denne jobben må like å arbeide med menneske som treng informasjon, rettleiing og oppfølging over kort og lang tid. Ser du etter ein spanande og meiningsfull arbeidskvardag, kan dette vera jobben for deg!

Arbeidsoppgåver

• Behovsavklaring og individuell oppfylging og sakshandsaming etter lov om sosiale tenester i NAV
• Gjere vurderingar og vedtak knytt til tenester frå NAV Stord
• Delta i samarbeid og oppfylging av brukarar

Kvalifikasjonar

Du må ha:

• Du må ha fullført utdanning på minimum bachelornivå. Relevant arbeidserfaring kan kompensere for kravet til utdanning.
• gode digitale ferdigheiter
• god kjennskap til arbeidsmarknaden
• god forståing for NAV si rolle i eit samfunnsperspektiv
• god munnleg og skriftleg formidlingsevne

Det er ønskeleg at du har erfaring frå:

• rettleiings-, motivasjons- og endringsarbeid
• å jobbe tverrfagleg
• å rettleie og sakshandsame opp mot rutinar og lovverk

Personlege eigenskaper

Me legg vekt på at du:

• er god på motivasjons- og endringsarbeid med menneske, og verdset brukarmedverknad
• er tydeleg, løysingsorientert og har gode samhandlingsevne
• er målretta og arbeider systematisk
• har stor arbeidskapasitet, både sjølvstendig og i team
• tek ansvar for eiga utvikling og medverkar til utvikling av andre sin kompetanse i kontoret
• har kunnskap om arbeidsmarknaden på Stord og i Sunnhordland
• er positiv og har godt humør

Personlege eigenskapar vert tillagt stor vekt.

Vi tilbyr

• Ein triveleg og hektisk arbeidsplass med dyktige medarbeidarar
• Ein spanande og utfordrande jobb
• Gode høve for personleg utvikling
• Fleksibel arbeidstid
• Gode pensjonsordningar gjennom Statens Pensjonskasse (frå løna blir det trekt 2%)
• Stillinga er løna som rådgjevar stillingskode 1434 med brutto løn kr 509 500 - 534 900 per år. For særskilt kvalifiserte søkjarar kan høgare løn vurderast.

Kontaktinformasjon

Marie Emilie Isdahl, Avdelingsleiar, 91632164, marie.isdahl@nav.no

Arbeidssted

Bandadalsplassen 5
5417 Stord

Nøkkelinformasjon:

Arbeidsgiver: NAV

Referansenr.: 4640154028
Stillingsprosent: 100%
Vikar
Søknadsfrist: 10.04.2023