Heimebaserte tenester i Stord består av 2 geografiske områder inndelt i helseteam 1 og helseteam 2, i tillegg har me avdeling Demens og sjukepleie- og mestringsteam som gir tenester i hele området. Som helgeavløysar i heimebaserte tenester blir du ein del av eit team som skal bistå brukarane våre med gode tenester i tråd med tildelte timar i vedtak. Personleg hygiene, bistand til måltider og anna praktisk hjelp inngår også. Du rapporterer utførte oppdrag og observasjonar i fagsystemet vårt som er mobil omsorg. Du har fokus på brukarmedverknad og møter bruker og pårørande i tråd med <<Kva er viktig for deg?>>

Det er ledige helgestillingar i alle team, med arbeid kvar 3. helg, samt nokre helgestillingar med langvakter med arbeid kvar 4. helg. Me har både faste stillingar og langvarige vikariat.

For sjukepleiarstudentar er det høve til gode avtaler om stipendordning.

Arbeids- og ansvarsområde:

Likar du å snakke med og hjelpe folk, er du snar i snuen og løysingsorientert? Kan du rygge på speil i mørke og regn?

Me i heimebaserte tenester (HBT) treng motiverte folk til helgestillingar og vikararbeid for å levere helsetenester til folk i eigen heim

I ein helgestilling jobbar du kvar 3. helg (moglegheit for kvar 4. helg med langvakter), i lag med andre faste, kjekke og dyktige kollegaer. Det er også gode moglegheiter for å <<shoppe>> vakter utover det via ein app om du vil det.

Kva gjer me i heimebaserte? Spørsmålet er heller kva me ikkje gjer; du vil garantert få nytte alle dine gode mellommenneskelege, kreative og praktiske evner i løpet av dagen for å tilpasse deg ulike menneske og situasjonar. Arbeidsdagane er aldri heilt like, då det er folk du jobbar for og med og behova deira for helsehjelp vil variere.

Du køyrer frå hus til hus og får yta for folk det dei ikkje klarer sjølv, anten det er bistand til stell/dusj, påkledning, mattillaging, til medisinar eller andre aktivitetar knytt til nødvendig helsehjelp.

Kunnskap og interesse for menneske og helse kjem godt med til det beste for dei du er innom.

Liker du også å jobbe sjølvstendig passar du godt inn hos oss. Om du i tillegg liker å køyre bil, ikkje er redd for utfordringar og tidvis hektiske dagar, ikkje nøl med å søke jobb hos oss.

Kvalifikasjonskrav:

• Utdanning eller erfaring frå pleie og omsorgsoppgåver er ein fordel

• Kunne jobbe sjølvstendig

• Førarkort klasse B

• Beherske norsk både munnleg og skriftleg, språkprøve B2 må vere avlagt og bestått for søkjar utanfor Skandinavia

• Stillinga høver godt for studentar

• Personlege eigenskapar blir vektlagt

• Politiattest ikkje eldre enn 3 månader må framleggas ved oppstart

Me kan tilby:

• Det er mogleg å inngå avtale om stipendordning for sjukepleiar- og vernepleiarstudentar.

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

Kontaktperson: Avdelingsleiar Renate Matre telefon 543 93168/92406497