Politioverbetjent/politiførstebetjent  med funksjon som avhøyrer av barn

Om stillinga

I Vest politidistrikt ved Felles eining for etterretning og etterforsking, Seksjon for etterforsking av drap, grov vald og grove seksuallovbrot, Avsnitt for etterforsking av grove seksuallovbrot, er det ledig ei stilling som avhøyrer av barn, unge og særleg sårbare personar. Avsnittet består av 20 medarbeidarar med ulike oppgåver innan etterforsking av seksuelle overgrep mot barn, av dette 5 faste tilrettelagde avhøyrarar. Me har eit hektisk og godt fagmiljø som er samansett av erfarne medarbeidarar av begge kjønn. I stillinga vil du vera ein del av eit fagmiljø på 5 faste medarbeidarar som har avhøyr av barn som hovudoppgåva si, i tillegg til å  viderutvikle faget tilrettelagde avhøyr av barn, unge og særleg sårbare personar. Du vil saman med gruppa vera ansvarleg for at ny kunnskap når ut i organisasjonen. Gruppa skal sørgja for god fagleg kvalitet, bidra til god oppgåveløysing ved ulike problemstillingar og samarbeida tett med Barnehuset, etterforskarar og påtalejuristar i oppgåvene deira i samband med  tilrettelagde avhøyr.

Vi er på jobb for eit trygt Noreg. Som ein del av det viktige samfunnsoppdraget til politiet, skal vi førebyggja og få bukt med kriminalitet, skapa tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjera vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i å ha avhøyr av barn som primæroppgåva si. Vi stiller høge krav til fagleg kompetanse, motivasjon, arbeidsmoral og etisk integritet. Vidare søkjer vi etter deg som til kvar tid opptrer profesjonelt og fungerer som ein god ambassadør for politiet gjennom haldningane dine og handlingar i det daglege arbeidet. Evna til å vere trygg, nærverande, lydhøyr og dessutan å byggje tillit til publikum, er avgjerande for suksess i organisasjonen vår. I vår vurdering av kandidatar er mellom anna dette noko vi vil leggje vekt på og dessutan evna til å bidra til eit inkluderande og respektfullt arbeidsmiljø.

Arbeidsoppgåver

• Gjennomføre tilrettelagde avhøyr og eventuelt sekvensielle avhøyr av barn og unge, og eventuelt av særleg sårbare vaksne.
• Bidra med konkrete innspel til etterforskar/påtale om nødvendige etterforskingssteg før eit avhøyr
• Samarbeide med eksterne aktørar og delta i samrådsmøte på Barnehuset
• Skrive rapportar både før og etter avhøyr, og sørgje for god kvalitet og resultatoppnåing i sakene
• Ta eit overordna fagleg ansvar for tilrettelagde avhøyr i Vest politidistrikt saman med resten av gruppa, og sørgje for kompetanseoverføring ut i distriktet. Noko foredragsverksemd og rettleiingsoppgåver må derfor påreknast
• Delta og bidra til kollegarettleiing i regi av Barnehuset
• Andre oppgåver pålagde av overordna

Kvalifikasjonar

Dette må du ha for å være kvalifisert:

• Vitnemål frå Politiskolen/Politihøgskolen
• Videreutdanning i tilrettelagde avhøyr av barn
• Erfaring frå etterforsking av vald og/eller seksuelle overgrep mot barn
• God kjennskap til lovverket innanfor saksfeltet
• God munnleg og skriftleg framstillingsevne
• God IT- og systemkunnskap,  og kjennskap til systema til politiet
• Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetjing jfr. politiloven § 18 og politiregisterlova § 41.

For politioverbetjent: tilfredsstille kompetansekrava for pb3 og ha arbeidet innan fagfeltet tilrettelagt avhør i minimum 5 år. Ved anna relevant bachelor- eller mastergrad kan heile eller deler av kravet fråvikast

For politiførstebetjent: tilfredsstille kompetansekrava for pb3 og ha arbeidet innan fagfeltet tilrettelagt avhør i minimum 3 år. Ved anna relevant bachelor- eller mastergrad kan heile eller deler av kravet fråvikast

Det er også ønskjeleg med:

• Videreutdanning i sekvensielle avhøyr (SA)
• Veiledererfaring
• Videreutdanning i rettleiingspedagogikk
   

Personlege eigenskapar

• Være resultatorientert og med god gjennomføringsevne
• Evne til å prioritere og ta gode avgjerder i ulike problemstillingar  
• Evne til å bygge tillit, skape gode relasjonar og samhandle internt og eksternt
• Være fleksibel, positiv og løysingsorientert
• Evne til å handtera tidvis høgt arbeidspress og å handtera emosjonelt belastande arbeid

Som medarbeidar i politiet har du høgt etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattform her.

Dette kan vi tilby om du vel oss

• Ein utfordrande og spanande arbeidsplass for deg som vil vera med på å forma framtidas politi
• Eit arbeidsmiljø med engasjerte og dyktige kollegaer
• Stilling som politioverbetjent med funksjon som avhøyrer, (stillingskode 0287), vert for tida lønna frå kr 775.000 brutto per år. I tillegg gis et kronetillegg på kr 59.724,- per år for tilrettelagte avhøyr. Vidare lønnsutvikling vil skje i henhold til hovudtariffavtalane i staten.
• Stilling som politiførstebetjent med funksjon som avhøyrer, (stillingskode 0285), vert for tida lønna frå kr 695.000 brutto per år.  I tillegg gis et kronetillegg på kr 53.748,- per år for tilrettelagte avhøyr. Vidare lønnsutvikling vil skje i henhold til hovudtariffavtalane i staten.
• Medlemskap i Statens pensjonskasse, med blant anna gode pensjons- og forsikringsordningar (www.spk.no)

Mangfold i politiet

Dersom du har funksjonsnedsetjing, innvandrarbakgrunn eller hol i CV-en, er det høve for å krysse av for dette i søknaden. Er du kvalifisert for stillinga, vil du bli vurdert for positiv særbehandling. 
Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her.

Opplysningane du gir, blir brukte til å utarbeide anonymisert statistikk som alle statlege verksemder rapporterer i årsrapportane sine.

. Video: https://www.youtube.com/watch?v=uUTjHmSB_Wc