Assisterande einingsleiar Lindås heimeteneste 

Om stillinga som Assisterande Einingsleiar 

Stillinga som assisterande einingsleiar er ei nyoppretta stilling som rapporterer direkte til einingsleiar. Assisterande einingsleiar har personal- og fagansvar i si avdeling, men har ikkje heilskapleg ansvar. Som assisterande einingsleiar kan ein få delegert enkeltoppgåver innan for eksempel  økonomi og HMS- arbeid. Assisterande einingsleiar er ein del av avdelinga si leiargruppe. 

Stillinga er ei dagstilling ( 37,5 t/v) 

Ved ferieavvikling og anna kortvarig fråvær vil ein kunna få endra ansvarsområde/oppgåver innafor den ordinære stillinga som assisterande einingsleiar. Ved lengre fråvær av einingsleiar vil ein ved behov kunne verte konstituert jmf HTA § 13.4 

Me har jobba over tid med heiltidskultur, og er i ein prosess med tenestestyrt bemanning og oppgåvedeling for å kunne yte gode og bærekraftige tenester i framtida. 

Assisterande einingsleiar skal saman med  einingsleiar i avdelinga være med på å utvikle tenesta og bidra til felles kulturbygging. Som ein del av leiarteamet i avdelinga er du med på å drive internt organisasjonsarbeid, for å sikre likeverdige, gode og bærekraftige tenester i framtida.

Alver kommune er i ein omstillingsprosess " Alver kommune i endring og omstilling 2026" der me saman skal byggje Alver-laget for framtida.

Arbeidsoppgåver

Personalansvar 

Direkte personalansvar for delar av personalgruppa i avdelinga

 

Fagansvar

• Saman med einingsleiar ha ansvar for å sikre at kvaliteten på tenestene er innanfor ramma av dei ressursane avdelinga disponerer.
• Ansvarleg for at fagområdet nyttar Kvalitetssystemet og tenesteproduksjonen og nyttar avvikssystemet i oppfylginga
• Gjennomføre internkontrolltiltak innanfor fagområdet
• Sørge for naudsynt fagleg samordning på tvers av linjeorganiseringa
• Ansvarleg for at dei tilsette samla sett har tilstrekkeleg og relevant kompetanse
• Ta initiativ til og gjennomføre fagleg forbetrings- og utviklingsarbeid
• Ansvarleg for ei brukar- og serviceorientert utvikling av tenester i fagområdet
• Sikre god løpande dialog med brukarar og pårørande

 

Kvalifikasjonskrav

        Krav til kompetanse 

• 3 årig bacherlorutdanning i sjukepleie
• Norsk autorisasjon

• Førarkort klasse B 

  Ønska kompetanse 
• Relevant vidareutdanning
• Leiarerfaring
• Erfaring frå arbeid i heimetenesta 
• God digital kompetanse 
•  Søkjarar utanfor Norden må dokumentera bestått " Bergenstest" ( test i norsk på høgare nivå) 

Personlege eigenskapar

Me søkjer etter deg som er ein fagleg trygg sjukepleiar, og som ynskjer å leie andre. Du kan jobbe sjølvstendig, være strukturert og evnar å prioritere oppgåver ut frå dei krav som vert stilt til tenesta. I tillegg til å være fleksibel og ha god gjennomføringsevne, er god til å motivere og rettleie personalet i den daglege drifta.

Du er løysingsorientert, har god kommunikasjonsevne, og er ein god rollemodell for dine kollegaer. 

Vi tilbyr

• Fagleg og personleg utvikling
• Leiaropplæring
• Høg kompetanse i avdelinga med stort fokus på kvalitet i tenesta
• Dedikerte kollegaer som har brukar i fokus
• Allsidig og lærerikt arbeidsmiljø

• Lønn: Etter avtale