ID 2365 Reinhaldsoperatør - Tekniske tenester

Me er ei stor reinhaldsgruppe med om lag 40 tilsette med ulik bakgrunn og frå fleire kulturar. Me spelar kvarandre gode, og arbeider saman for å skapa ein trygg og triveleg kvardag for alle, også brukarar av kommunale bygg.

Reinhaldsgruppa har ansvar for dagleg og periodisk reinhald i mellom anna skular, barnehagar, helse- og omsorgsbygg, idrettsanlegg og kontorbygg. Arbeidstida startar kl. 06.00, og det er gode moglegheiter for full stilling på sikt. Me ønskjer at du kan bruke eigen bil i tenesta, noko som gir fleksibilitet og betre flyt i kvardagen.

Me nyttar også maskinelt reinhald, noko som reduserer slitasjeskadar og betrar ergonomien for dei tilsette -- og reinhaldskvaliteten. I tillegg har me innført elektroniske arbeidsplanar som gir struktur og oversikt, samt kommunikasjon i høve driftsavvik og forbetringstiltak internt i eininga.

Me er ei eining i stadig utvikling, med fokus på effektivitet og kostnadsmedvit -- utan at det går utover arbeidsmiljø eller kvardagen til våre tilsette.

Me har ledig ei fast 90% stilling som reinhaldsoperatør. Arbeidsoppgåver:

• Dagleg og periodisk reinhald etter NS-INSTA 800-standarden

• Bruk av maskinelt reinhaldsutstyr

• Samarbeid og dialog med kollegaer og brukarar

• Bidra til godt inne-miljø og høg trivsel i kommunale bygg

Kvalifikasjonar:

• Fagbrev innan reinhald er ønskjeleg, men relevant praksis kan kompensere

• Førarkort klasse B og vilje til å bruke eigen bil i tenesta

• Gode norskkunnskapar, både munnleg og skriftleg

• Gode samarbeidsevner og evne til å arbeide sjølvstendig

• Strukturert, påliteleg og løysingsorientert

Me tilbyr:

• Opplæring og god oppfølging gjennom fadderordning

• Eit godt, inkluderande og utviklingsorientert arbeidsmiljø

• Tilgang til velferdsklubb med leilegheiter i Røldal og hytte ved sjøen

• Gode pensjons- og forsikringsordningar

• Løn og arbeidsvilkår etter gjeldande kommunalt avtaleverk

• Moglegheit for avtale om bruk av eigen bil i tenesta

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.