Miljøterapeut i ungdomsfengsel (faste stillingar og vikarar)

Om stillinga

Til denne stillinga er det krav om bestått fysisk funksjonstest. Dato for test er torsdag 4. desember på Evje. Testen kan du lese meir om her. 

Agder fengsel, Evje ungdomseining skal bli Noregs største soningsinstitusjon for mindreårige. Frå og med slutten av 2025 skal avdelinga kunne ta imot inntil 11 mindreårige til soning. Avdelinga vil kunne tilby tre ulike soner med både høg og låg sikring, der det er mogleg å differensiere tilbudet til ungdommane ut frå behovet for den enkelte. Tilbudet vi skal gje, skal vere i tråd med FNs barnekonvensjon sine føringar.

Agder fengsel består av 4 lokasjonar: Froland avdeling (200 plassar for menn - høg sikring), Mandal avdeling (100 plassar for menn - høg sikring), Solholmen overgangsbolig i Kristiansand (15 plassar) og Evje ungdomseining (11 plassar for mindreårige 15-17 år). Agder fengsel vil ha omlag 400 tilsette fordelt på desse lokasjonane. Ca 75 av desse på Evje. 

Me har etablert eit særs spennande fagmiljø, der fokus er høg kompetanse og trygge rammer for ungdom med fokus på god omsorg og rehabilitering. Me søker no etter trygge kollegaer, som kan skape tryggleik for andre, også i krevjande situasjonar. 

På Evje ungdomseining jobbar det mange ulike fag- og yrkesgrupper. Basisbemanninga vår består av fengselsbetjentar og miljøterapeutar, som jobbar sivilt og tett på den enkelte ungdom, der ein jobbar ut i frå grunnpillarane i traumebevisst omsorg (tryggleik, relasjon og regulering). Både miljøterapeutane og fengselsutdanna personell inngår i vaktlag, med krav til godkjent modular i fysisk maktanvendelse (FM) og jamnleg trening. 

Evje ungdomseining vil etter kvart få mange tilsette, og jobbar derfor med å legge til rette for ulike turnusordningar, i tillegg til at me kan tilby rimeleg pendlarbustad, gratis parkering og mulegheiter for el-lading. Me har i dag rundt 30 personar i turnus og har i denne runden behov for å tilsette ytterlegare 5-10 miljøterapeutar. Alle stillingane er faste og i 100% stilling. 

I tillegg har me behov for vikarar. Oppgje i søknaden om du søker på fast stilling eller vikar.  

Personell med bachelorkompetanse blir tilsett i kode 1201 miljøterapeut.

For personell utan bachelorkompetanse, kan stillingskode 0808 miljøterapeut nyttast. 

Bestått opplæring i fysisk maktanvendelse (FM) er ein føresetnad for arbeid i alle våre avdelingar. Det blir også fysisk funksjonstest den 04.12, som må bestås, før intervju.  

Søknadsfrist er 23.11.25

Arbeidsoppgåver

• planlegging, leiing og evaluering av endringsarbeid
• miljøterapeutisk arbeid med tanke på god og trygg straffegjennomføring
• kontaktbetjentarbeid - og førebuing av den innsatte på lauslating eller overføring til vaksenfengsel
• tett fagleg samarbeid med kollegaer i og utanfor kriminalomsorga i planlegginga av soning og progresjon
• konfliktdempande kommunikasjon, grensesetting, skape trygge og gode rammer for den innsette

Den som blir tilsett, må rekne med endringar i ansvars- og arbeidsområde.

Utdanning og erfaring

Stillingskode 1201Du må ha

• sosialfaglig høgskule- eller universitetsutdanning, eller anna relevant utdanning fra høgskule eller
  universitet på bachelornivå
• god munnleg og skriftleg framstillingsevne
• god kunnskap og erfaring i bruk av IKT - system eller verktøy
• god språkleg forståing
• førarkort klasse B

Det er ønskjeleg at du har

• erfaring frå miljøterapeutisk arbeid - gjerne frå barnevernsintitusjon eller liknande (til dømes kommunale bu-tilbud, heildøgns sjukehusavdeling mv)
• erfaring frå vegleiing av klientar / brukarar og kollegaer

Stillingskode 0808Du må ha

• bestått 3-årig videregående skole
• god munnleg og skriftleg framstillingsevne
• god kunnskap og erfaring i bruk av IKT - system eller verktøy
• god språkleg forståing
• førarkort klasse B

Det er ønskjeleg at du har

relevant erfaring frå miljøterapeutisk arbeid - gjerne frå barnevernsintitusjon eller liknande (til dømes kommunale bu-tilbud, heildøgns sjukehusavdeling mv)

Personlege eigenskapar

• gode kommunikasjons- og samarbeidsevner
• har evne og vilje til å drive påverknadsarbeid
• har evne til tryggleikstenking, grensesetjing, og å vere ein samtalepartnar og rollemodell for dei innsette
• er mål- og resultatorientert
• har evne til å arbeide sjølvstendig og systematisk
• er robust og trygg, evner å møte krevjande innsette med ro, ei fagleg tilnærming med fokus på konfliktdemping
• har evne til å motta opplæring og å dele kompetanse
• er fysisk i god form, og i stand til å bidra i vaktlag etter behov
• personlege eigenskapar i tråd med etatens verdiar
• team-samansetning vil bli vektlagt i tilsettingsprosessen

Me tilbyr

• godt arbeidsmiljø 
• meiningsfulle oppgåver i ein etat med eit viktig samfunnsoppdrag
• god opplæring og vegleiing knytt til arbeidsoppgåver og samfunnsoppdrag
• god opplæring i sikkerhetsarbeid, kontaktbetjentarbeid, miljøterapeutisk fokus og fysisk maktanvendelse
• gode pensjons-, forsikrings- og låneordningar i Statens pensjonskasse.
• tilgang på treningsrom, pendlarbustad (mogleg overnatting mellom vakter), gratis parkering, 
• stillinga blir avlønna som miljøterapeut 1201 fra kr 476 000 - 573 000 eller miljøterapeut 0808 fra kr 458 000 - 525 000 pr. år, avhengig av kvalifikasjoner. Det blir trekt 2 % innskot til Statens pensjonskasse

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Søknad og CV blir send elektronisk via linken "søk stillinga" på denne sida. Fullstendige opplysningar om relevant utdanning og arbeidserfaring må fyllast inn i det elektroniske skjemaet. Vitnemål og attestar må følgje med søknaden. Ved manglande dokumentasjon, kan søknaden utebli frå vurdering. Me ber om at du hentar vitnemål frå Vitnemålsportalen direkte i Jobbnorge når du søkjer stillinga. Utanlandsk utdanning må vera NOKUT godkjend, eller tilsvarande.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. 

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til stadleg leiar, Ragnhild Nomeland tlf. 99496504.

For spørsmål om elektronisk utfylling av CV kan Jobbnorge kontaktast på 75 54 22 20.