Vernepleiar i tilrettelagde grupper vgs (tre faste stillingar)

Os vidaregåande skule tilbyr fem yrkesfaglege utdanningsprogram: bygg- og anleggsteknikk, elektro- og datateknologi, helse- og oppvekstfag, sal, service og reiseliv og teknologi- og industrifag. I tillegg har vi landsliner innan anleggsteknikk og yrkessjåfør, påbygg til generell studiekompetanse og særskilt tilrettelagt opplæring. Skulen har om lag 500 elevar og 105 tilsette.

Skulens elevsyn er å møta eleven med respekt, fleksibilitet og ei positiv innstilling. Vår visjon byggjer på formålsparagrafen til opplæringslova:
Vi jobbar med samfunnets viktigaste verdi og bidreg til ei god framtid gjennom å utvikla sosialt kompetente og fagleg dyktige elevar og lærlingar for vidare liv, utdanning og yrke.

Os vidaregåande skule lyser ut etter tre nye medarbeidarar til våre to tilrettelagde skuleklassar. Elevane i dei to gruppene får kvardagslivs- og arbeidstrening i opplæringa.  Skulen tek imot fleire elevar skuleåret 2025/2026 og treng difor fleire tilsette med kompetanse innan rettleiing av og tilrettelegging for elevar med funksjons- og/eller lærevanskar. I dag arbeidar fire pedagogar og fire fagarbeidarar i avdelinga.

Dei tre stillingane utgjer kvar 89 % og fylgjer skuleruta. Arbeidstida er 37,5 timer per veke fordelt over 195 arbeidsdagar i året.

Arbeidsoppgåver

• Støtta faglærar i undervisinga av elevar med trong for særskilte pedagogiske, sosiale og helsemessige tilpassingar
• Delta i opplæringsaktivitetar i klasserom, gymsal, på kjøkken, i verkstader og utandørs eller på andre arenaer.
• Gjennomføra og/eller ta ansvar for sosiale eller helserelaterte tenester for elevane i skuletida, i tråd med elevane si trong
• Samarbeida med andre fagarbeidarar og lærarar om å planleggja og gjennomføra undervising i tråd med individuelle opplæringsplanar.

 

Skulen leverer tilsyn og aktivisering til eit utval av dei same elevane før og etter skuletid (TIV-ordninga), men innanfor ordinær arbeidstid. Det er eit ynskje at søkjarene òg vil arbeida i skuleferiene for å levera eit TIV-tilbod til nokre av elevane då. Etter avtale vil stillinga då verta større i ein periode.

Anna elevretta arbeid i tråd med utdanning og kompetanse kan verta aktuelt på andre avdelingar ved skulen i framtida.

Kvalifikasjonar

Dei som vert tilsette i stillingane skal:

• ha utdanning og autorisasjon som vernepleiar før tilsettinga. Unntak kan gjerast om søkjaren har ei anna formell kvalifikasjon som kan erstatta utdanninga som vernepleiar.
• ha gode skriftlege og munnlege norskkunnskapar.
• vera personleg eigna til arbeid med ungdomar.

 

Det er ynskjeleg at søkjaren har:

• erfaring med arbeid med brukergruppa (ungdom og elevar)
• kjennskap til ASK.

Personlege eigenskapar

Dei som vert tilsette i stillingane må:

• vera ansvarsbevisst, påliteleg, og strukturert.
• ha ei god evne til samarbeid i tverrfaglege team.
• lika å arbeida i eit hektisk arbeidsfellesskap med elevar og lærarar og lika varierte utfordringar.
• vera tolmodig og kunna stå i utfordrande situasjonar over tid.
• ha føresetnader for å vera i fysisk aktivitet saman med elevane på turar og ekskursjonar, i kroppsøving og i friluft. Difor må søkjaren òg har ei god helse, slik at alle oppgåver som ligg til stillinga kan utførast.
• bidra til eit godt arbeidsmiljø i personalgruppa som arbeidar rundt elevane i dei to gruppene.

Det er ynskjeleg at søkjaren:

Har interesse for og erfaring med praktisk arbeid utandørs, handverk, snekring, matlaging eller anna arbeid som er relevant for arbeidstreninga me tilbyr våre elevar.

 

Me ynskjer ei balanse mellom kjønna i avdelinga. Menn er difor oppmoda om å søkja.

Vi tilbyr

• Eit aktivt og stimulerande profesjonsfellesskap
  
• Nært samarbeid med kollegaer
  
• Ein god delingskultur og ei positiv innstilling
  
• Løns- og arbeidsvilkår fastsett i lova og avtaleverket
  
• Gode forsikrings- og pensjonsordningar
  
  Skulen tek atterhald om at trongen ikkje vert endra fram mot skulestart. Vi gjer merksam på at i følgje offentleglova § 25 2. ledd kan opplysningar om søkjaren verta offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.
  
  Administrasjonsmålet i Vestland fylkeskommune er nynorsk.
  
  Alle nytilsetjingar i Vestland fylkeskommune blir gjort med ei prøvetid på 6 månadar. Den som skal tilsetjast i vidaregåande skule må leggje fram godkjent politiattest.

Kontaktinformasjon

Lars Arne Nilssen, avdelingsleiar, 93897988

Arbeidsstad

Kolskogheiane 14
5210 Os

Nøkkelinformasjon:

Arbeidsgivar: Vestland fylkeskommune

Referansenr.: 4976717977
Stillingsprosent: 89%
Fast
Startdato: 11.08.2025
Søknadsfrist: 11.06.2025