Vil du vere med og ta vare på kyrkja og kyrkjegarden?

Er du engasjert, praktisk anlagt og likar å arbeide både ute og inne? Har du interesse for grøntfaget og trivst med varierte arbeidsoppgåver? Då kan dette vere rette jobben for deg! Vi har no ledig ei fast, delt stilling som kyrkjegardsarbeidar og kyrkjetenar.

Du vert ein del av teamet som har ansvar for drift og vedlikehald av kyrkjegardane våre, slik at dei er velstelte og verdige gjennom heile året. Samstundes vil du ha ei viktig rolle som kyrkjetenar, der du bidreg til praktisk tilrettelegging og gjennomføring av kyrkjelege handlingar. Stillinga byr på varierte arbeidsdagar med både ute- og innearbeid, og tett samarbeid med kollegaer frå fleire fagområde.

Visjonen til Øygarden kyrkjelege fellesråd er «Nær Gud, nær menneske.» Vi er eit stort fellesråd med 8 kyrkjer og 16 gravplassar. Fellesrådet har om lag 50 tilsette som er organiserte både i fagseksjonar og tverrfaglege sokneteam. Stillinga høyrer til seksjon for kyrkjer og gravplassar, som har 11 medarbeidarar i ulik stillingsprosent, og omfattar oppgåver både som kyrkjegardsarbeidar og kyrkjetenar.

Stillinga inneber arbeid på dagtid tysdag til fredag. I tillegg inngår teneste ved gudstenester om lag annankvar helg, samt vigsler i sesongen.

Besøk nettsida vår, ring oss eller kom innom for ein prat på det trivelege kyrkjekontoret vårt på Straume.

Arbeidsoppgåver

• Graving og vedlikehaldsarbeid på kyrkjegardane i Øygarden.
  
• Vidareutvikling av kyrkjegardane som parkmessige områder.
• Kyrkjetenaroppgåver, Ivareta praktisk tilrettelegging før, under og etter gudstenester, kyrkjelege handlingar og kyrkja sine andre aktivitetar.

Kvalifikasjonar

Det er ønskjeleg med

• Grøntfagleg kompetans
• Fagbrev som gartnar, anleggsgartnar, maskinførar eller grunnarbeidar
• Personar utan formelle faglege kvalifikasjonar vil kunne bli vurdert med utgangspunkt i dokumentert arbeidserfaring.

Det er krav om

• Medlemskap i Den norske kyrkja
• Førarkort klasse B, må disponere eigen bil

Personlege eigenskapar

• Positiv
  
• Fleksibel
• Samarbeidsvillig
• Serviceinnstilt
• Praktisk anlagt
• Strukturert
• Evnar å arbeide sjølvstendig og i team
• Har eit auge for detaljar
• Personlege eigenskapar vil bli vektlagde

Vi tilbyr

• Løn og arbeidstilhøve følgjer tariffavtalar og avtaleverk for kyrkjeleg sektor
  
• Pensjonsmedlemsskap i KLP
• Køyregodtgjersle etter statens satsar
• Opplæring i gravplassfaget

Anna

• Helgearbeid må påreknast.
• Vi legg vekt på at kompetanse og eigenskapar hos dei tilsette utfyller kvarandre
• Ein kan få oppgåver i ulike sokn i Øygarden kyrkjelege fellesråd

Øygarden kyrkjelege fellesråd ønskjer mangfald med omsyn til kjønn, alder, funksjonshemming, kulturell bakgrunn og/eller hol i CV-en, og oppfordrar alle som er kvalifiserte til å søkje stillinga.

Kontaktinformasjon

Mathilde Karin Dale, seksjonsleiar for kyrkjer og gravplass
Annlaug Børve, kyrkjeverje

Arbeidsstad

Landrodalen 5
5363 Ågotnes

Nøkkelinformasjon:

Arbeidsgivar: Øygarden kyrkjelege fellesråd

Referansenr.: 5151676712
Stillingsprosent: 100%
Fast
Søknadsfrist: 09.08.2026