PPT (Pedagogisk-psykologisk teneste) er ein nøkkelaktør i arbeidet med å sikre at barn og unge får den tilrettelegginga dei treng for å lukkast. Vi er den kommunale instansen som gir råd, rettleiing og utarbeider sakkunnige vurderingar for barn og elevar med spesielle behov. Arbeidet vårt er forankra i barnehage- og opplæringslova, og vi arbeider for barn og unge i aldersgruppa 0–16 år.

I Sunnfjord kommune har vi eit tett samarbeid med barnehagar og skular for å skape eit inkluderande, trygt og utviklande læringsmiljø for alle. Vi legg stor vekt på det førebyggande arbeidet, og målet vårt er at alle elevar skal oppleve meistring – uavhengig av utfordringar. Saman utviklar vi kompetanse og styrker organisasjonen for å kunne tilby best mogleg støtte til elevar som treng individuell tilrettelegging. PPT i Sunnfjord kommune har no ledig stilling som:

Er du ein fagperson med eit brennande engasjement for inkludering og tilrettelegging? Då kan dette vere jobben for deg!

• Kontaktperson: vere kontaktperson for ungdomsskular og bidra aktivt i ressursteam ved dei aktuelle skulane. Du får ansvar for å bygge bru mellom PPT og skulane, og støtte skulane slik at elevane får den hjelpa dei treng – tidleg og målretta.
• Kompetanseutvikling: gjennom opplæring, kurs og rettleiing hjelper du lærarane og andre tilsette i skulen med å utvikle den faglege kompetansen dei treng for å møte elevane sine ulike behov.
• Inkludering og meistring: bidra til å utvikle eit universelt tilbod som gjer at alle elevar føler seg inkluderte og opplever meistring i skulen.
• Kartlegging og utgreiing: observere, kartlegge og utgreie elevar for å avdekke behova deira og gi fagleg rådgiving.
• Rådgiving og rettleiing: gi løpande støtte og rettleiing til skular, foreldre og andre samarbeidspartnarar.
• Sakkunnig vurdering: utarbeide sakkunnig vurdering der lova krev det.
• Samarbeid: skape eit sterkt samarbeid med foreldre, skular og andre relevante aktørar i hjelpeapparatet for å sikre at elevane får heilskapleg oppfølging.
• Elevmedverknad: sørge for at elevane får delta aktivt i si eiga utvikling, og at stemma deira blir høyrd i prosessar der PPT er involvert.

• Mastergrad i spesialpedagogikk, psykologi eller andre relevante fagfelt for PPT. 
• Erfaring frå arbeid i PPT, skule eller andre relevante instansar. Dersom du har særleg relevant erfaring, kan dette kompensere for manglande mastergrad.
• Erfaring med barn og unge med særskilde behov, særleg frå ungdomsskulearbeid, er ein fordel.
• Kompetanse innan utgreiing, testing, rettleiing og rådgiving.

Søkarar med utdanning frå utlandet må dokumentere språkkunnskapar på nivå C1 eller C2 i norsk. Dette gjeld ikkje skandinaviske søkarar. 

Førarkort klasse B er eit krav, då arbeidsområdet omfattar heile Sunnfjord kommune. 

Politiattest må leggjast fram før tilsetting.

• Du har særleg god norskkunnskap, både skriftleg og munnleg, og kan kommunisere klart og tydeleg med barn, foreldre og kollegaer.
• Du er strukturert, målretta og evner å jobbe effektivt, samstundes som du er fleksibel og tilpassar deg endringar i arbeidet.
• Du har sterk evne til å bygge gode relasjonar – både med elevar, føresette og fagpersonar.
• Du er ein god lagspelar, men òg i stand til å jobbe sjølvstendig og ta ansvar for eigne prosessar.
• Du motiverer andre og er trygg i rolla som rettleiar.

Vi tilbyr: 

• Eit spennande og inspirerande arbeidsmiljø, der du får jobbe med engasjerte og kompetente kollegaer som brenn for det same som deg.
• Moglegheiter for kompetanseutvikling gjennom kurs, opplæring og deltaking på relevante samlingar.
• Løn etter avtale, samt gode pensjons- og forsikringsordningar.
• Eit sosialt og støttande arbeidsmiljø der vi verdset samhald og fagleg utvikling.

Vi oppmodar menn til å søke.

Er du klar for ei utfordring som kan gjere ein forskjell? Vi ser fram til å høyre frå deg!