Klar for ein meiningsfull jobb? Bli miljøterapeut i medlevarturnus!

Er du vernepleiar med engasjement for å gjera ein forskjell i kvardagen til andre – og har erfaring innan habilitering? Då kan du vere den me leitar etter!

Me søkjer ein fagleg engasjert miljøterapeut til 100 % stilling, fortida i medlevarturnus ved Askebærhaugen/Haugen.

Turnus:
2 døgn på, 7 døgn fri
2 døgn på, 7 døgn fri
3 døgn på, 7 døgn fri
Arbeid kvar 4. helg

Om tenesta:
Habiliteringstenesta i Bømlo kommune gir tilbod til personar med utviklingshemming og omfattande behov. Me har ca. 126 årsverk fordelt på 10 bufellesskap og dagtilbod. Hos oss blir du del av eit engasjert team som jobbar for å skape gode liv for tenestemottakarar gjennom tryggleik, omsorg og fagleg kvalitet.

Høyrest dette ut som jobben for deg?  Søk via Webcruiter og legg ved relevante vedlegg – me gler oss til å bli kjent med deg! Oppstart etter avtale.

Arbeidsoppgåver

• Ansvar for kartlegging, tiltaksplanar, vedtak og dokumentasjon i Profil, samt medikamenthandtering.
• Oppfølging og rettleiing i tråd med gjeldande lovverk (Helse- og omsorgstenestelova kap. 9 og Pasient- og brukarrettighetslova kap. 4).
• Rettleiing av miljøarbeidarar og deltaking i planlegging og gjennomføring av fagmøter.
• Praktisk bistand og rettleiing i daglege gjeremål, og tilrettelegging for god omsorg og utvikling for tenestemottakarane.
• Samarbeid internt i tenesta, med ulike instansar, verje og pårørande, samt utføring av delegerte oppgåver frå avdelingsleiar.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Autorisert vernepleiar. 
• Gode norsk kunnskapar, både skriftleg og munnleg.
• Førarkort klasse B. 

Det er ønskeleg at du har: 

• Erfaring frå arbeid med mennesker med ulike funksjonsvariasjonar. 
• Arbeidserfaring med systematisk og målretta miljøarbeid, samt habilitering.
• Kunnskap om Helse- og omsorgstenestelova kap. 9, samt Pasient- og brukerrettighetslova kap. 4.
• Erfaring og kompetanse i handtering av digitale system som t.d. Visma ressursstyring og Profil. 
• God fysisk form.

Personlege eigenskapar

• Imøtekommande og venleg, med evne til å skape gode relasjonar.
• Sjølvstendig, men samarbeider godt og medverkar til eit positivt arbeidsmiljø
• Løysingsorientert og uredd når krevjande situasjonar oppstår.
• Likar ein variert og aktiv arbeidskvardag med høg aktivitet og nye oppgåver.

Ved vurdering av søkjarar legg me vekt på utdanning, erfaring, personlege eigenskapar og motivasjon for stillinga.

Me tilbyr

• Varierte og spanande arbeidsoppgåver.
• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn og arbeidsvilkår i samsvar med gjeldande lov og avtaleverk.
• Medlemskap med tilsettegoder i velferdsklubben.

Andre opplysingar: 

• Det vert stilt krav om politiattest ved tilsetjing etter Helse og omsorgstenestelova § 5.4.
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.

Dersom du har spørsmål om stillinga og rekrutteringsprosessen, ta kontakt med avdelingsleiar Sandra Thorsheim.

Kontaktinformasjon

Sandra Hastrup Thorsheim, Avdelingsleiar , 45970897, thorsheim@bomlo.kommune.no

Arbeidsstad

Kyrkjevegen 1
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5048762031
Stillingsprosent: 100%
Fast
Søknadsfrist: 11.01.2026