ID 2046 Vernepleiar/sjukepleiar - Eining for habilitering

Avdeling Husahaugen gjev teneste på to ulike område; i Husahaugen bufellesskap og i miljøgruppe. Bufellesskapet er for personar med utviklingshemming og har 9 bustader. Bustadane er kommunalt eigd, og bebuarane leiger hos Stord kommune.

Miljøgruppa gjev tenester til vaksne personar med utviklingshemming som bur i husvære som ikkje er knytt til eksisterande bufellesskap.

Husahaugen sin visjon er; Gode relasjonar skapar trivsel og meistring.

Overordna mål er å skapa ein trygg og omsorgsfull heim, gje god dagleg omsorg og sosial støtte, leggje til rette miljøet for eigenmestring og å bidra til eit godt samarbeid med pårørande. Bebuarane mottek tenester etter individuelle vedtak som er heimla i Helse- og omsorgstenestelova. Tenestene vert gitt utifrå den einskilde bebuar sine føresetnader, ønskjer og behov, i samarbeid med den einskilde bebuar, pårørande og verje. Alle bustadane samarbeider med arbeids- og aktivitetstilbod, pårørande, fastlegar, fysio- og ergoterapeutar, habiliteringstenesta m.fl.

Det er ledig fast 100% stilling for autorisert vernepleiar eller sjukepleiar frå d.d. Stillinga har turnus dag/kveld med langvakter kvar fjerde helg.

Arbeids- og ansvarsområde:

• Vernepleiar/sjukepleiar skal ha fagleg ansvar i avdelinga
• Ansvar for at det blir gjennomført observasjon og kartlegging av funksjonsnivå og laga mål og tiltak etter desse
• Ansvar for å evaluera mål og tiltak
• Ansvar for legemiddelhandtering og opplæring
• Ansvar for opplæring og rettleiing i høve hovuddiagnosar og tilleggsdiagnosar, og tilretteleggja miljøarbeid utifrå desse
• Rettleia anna personale i faglege og etiske spørsmål. Blant anna om tvang og makt etter Helse- og omsorgstenestelova kap. 9, og Lov om pasient- og brukarrettigheter, kap. 4 A.
• Førebygga og identifisera bruk av tvang og makt i miljøarbeidet
• Ansvar for utforming og oppfølging av tvangsvedtak
• Motivera og rettleia studentar, lærlingar og nye tilsette

Kvalifikasjonskrav:

• Autorisert vernepleiar eller sjukepleiar.
• Gode norskkunnskapar både munnleg og skriftleg.
• Personlege eigenskapar vert vektlagt ved tilsetting.
• Det er krav om godkjent politiattest av nyare datoo

Me kan tilby:

• Varierte arbeidsoppgåver i eit tverrfagleg fagmiljø
• Godt arbeidsmiljø
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løns- og arbeidsvilkår i samsvar med kommunalt avtaleverk

Offentlig tenestepensjon i KLP - Kort fortalt

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktpersonar:

Avdelingsleiar Caroline Groa Tisell, tlf 932 66 980 eller einingsleiar Esther Aasen Bjelland, tlf 97552097.