Prosjektleiar

Vi søkjer prosjektleiar for bygging av nytt avfallsanlegg på Moskog

Sunnfjord Miljøverk IKS (SUM) er i gang med å planleggje eit nytt og moderne avfallsanlegg på Moskog. Vi ser no etter ein erfaren og engasjert prosjektleiar som vil vere med å forme framtidas miljøløysingar og sikre ei berekraftig avfallshandtering for regionen

Om stillinga 

Som prosjektleiar hos oss får du eit heilskapleg ansvar for planlegging og gjennomføring av anleggsprosjekt – frå tidlegfase og utgreiingar til gjennomføring og overlevering.

Du vil arbeide med å utvikle framtidsretta løysingar innan avfall og miljø, i tett samspel med både interne og eksterne aktørar. Stillinga gir deg varierte og meiningsfylte oppgåver, der du får vere med på å forme berekraftige anlegg som betyr mykje for lokalsamfunn.

Dine hovudoppgåver blir:

• Leie planlegging og prosjektering av nye avfallsanlegg frå idéfase til ferdigstilt anlegg.
• Utarbeide prosjektplanar, framdriftsplanar, budsjett og risikoanalysar.
• Sørgje for god dialog med relevante myndigheiter og sikre nødvendige godkjenningar og løyve (t.d. byggesøknader og utsleppsløyve).
• Koordinere og følgje opp rådgivarar, entreprenørar og leverandørar.
• Sikre at tekniske løysingar er framtidsretta, kostnadseffektive og miljøvennlege.
• Følgje opp kontraktar, anbod og innkjøp i tråd med offentleg regelverk og interne rutinar.
• Sørgje for god dokumentasjon og rapportering gjennom heile prosjektet.
• Ansvar for framdrift, kvalitet, HMS og økonomistyring i prosjektet..-.
• Samarbeide tett med drift og andre interne funksjonar for å sikre gode overleveringar og brukartilpassa løysingar.
• Rapportere til prosjektstyre og leiing, og leggje fram status og avvik ved behov.

Vi ser etter deg som har:

• Relevant høgare utdanning innan bygg, anlegg, ingeniørfag eller prosjektleiing.
• Erfaring med større bygge- eller infrastrukturprosjekt, gjerne innan avfall, miljø eller offentleg sektor.
• God kjennskap til offentlege anskaffingar, prosjektstyring og risikohandtering.
• Evne til å arbeide strukturert, sjølvstendig og målretta.
• Gode samarbeidsevner 

Vi tilbyr:

• Ei nøkkelrolle i eit samfunnsnyttig og framtidsretta prosjekt.
• Konkurransedyktige vilkår og fleksibel arbeidstid.
• Gode moglegheiter for fagleg og personleg utvikling.
• God tenestepensjon og forsikringsordningar.