Vi søker lærlingar til helsefagarbeiderfaget

Midt-Telemark kommune søker engasjerte og motiverte lærlingar i helsefagarbeiderfaget til vårt team!

Vi søker deg som har eit sterkt ønske om å bli fagarbeidar. Du er læringsvillig, påliteleg, møter presis og set ære i å levere arbeid av høg kvalitet til beste for dei som treng din fagkompetanse og hjelp.
Som lærling i helsefagarbeiderfaget får du moglegheita til å lære og utvikle deg i eit spennande og variert arbeidsmiljø. Du vil tileigne deg praktisk erfaring innan pleie og omsorg, og bidra til å betra livskvaliteten til våre pasientar. Du vil jobbe nært erfarne fagfolk som gir deg rettleiing og støtte gjennom lærlingetida. I tillegg til å få verdifull arbeidserfaring får du lønn under utdanning, praktisk opplæring, kurs og oppgåver som bygger din kompetanse.

Vi har lærlingar ved somatiske avdelingar, demensavdeling, heimetenester, dagsenter/aktivitetssenter og i tilrettelagte bustader for barn og vaksne med nedsatt funksjonsevne.

Dersom du er klar for å ta steget inn i helsefagarbeiderfaget og ønskjer å bli ein del av vårt team, send søknad og CV. Vi ser fram til å høyre frå deg!

Husk at du og må søke i VIGO og gjennom Opplæringskontoret for offentlig sektor Telemark (OKOS) FØR 01.03.2026 i tillegg til elektronisk søknad til kommunen.

Arbeidsoppgåver

I løpet av læretida skal du mellom anna få opplæring og arbeidsoppgåver i følgjande punkt:

• Ein helsefagarbeidar gir omsorg, personleg og praktisk hjelp til menneske som treng det. Som helsefagarbeidar jobbar du med menneske i alle aldrar og ulike livssituasjonar. Det kan vere barn, vaksne og eldre menneske med ulike funksjonshemmingar, sjukdommar, eller med behov for rehabilitering.
• Arbeidsoppgåvene varierer, og er avhengige av pasienten eller brukarens behov og kor du jobbar. Som helsefagarbeidar skal du kunne utføre grunnleggjande sjukepleie som til dømes sårstell.
• Du skal kunne hjelpe pasienten eller brukaren med praktiske gjeremål og personleg hygiene. Du har også administrative oppgåver som å skrive rapport.
• Som lærling i helsearbeiderfaget jobbar du i turnus. Dette inneber arbeid på dagtid, kveldstid, i helger og på høgtidsdagar. Gjelder ikkje dagsenter/aktivitetssenter.

Kvalifikasjonar

• Fullført og bestått alle fag i  VG1 helse - og oppvekstfag og VG2 helsefagarbeiderfag
• I heimetenesten er det ein fordel med førarkort
• God muntlig og skriftlig framstillingsevne

NB: Husk å legge ved dokumentasjon på karakterar og fråvær som vedlegg til søknaden.

Særskilde krav

Krav om politiattest, jf. Lov om Helse og omsorgstjenester § 5-4 Politiattest skal framvisast før oppstart i stilling.

Personlege eigenskapar

• Er lærevillig, fleksibel og motivert
• Har gode kommunikasjon- og samarbeidsevner
• Likar utfordringar og er løysingsorientert
• Er ansvarsbevisst, lojal og viser initiativ

Personleg egnahet, god orden og lite fråvær vil vektleggast i den i den totale vurderinga.

Vi tilbyr

• Ei lærebedrift som har lang erfaring i å utdanne autoriserte helsefagarbeidarar.
• Dyktige instruktørar som har brei fagkunnskap på kvar enkelt arbeidsplass, og som er dyktige til å gi rettleiing og tilbakemelding til lærlingane.
• Interessante og spanande arbeidsoppgåver, tverrfaglege og aktive arbeidsmiljø.
• Lønn under utdanning.
• Oppfølging frå OKOS.
• E-læringskurset for nytilsette i Midt-Telemark kommune.
• Lønn etter gjeldande lov og avtaleverk.
• Gode forsikrings- og pensjonsordningar.

Kontaktinformasjon

Anny Iren Rinden, spesialkonsulent personal, +47 911 94 270

Arbeidsstad

Gamleveg 46
3802 BØ I TELEMARK

Nøkkelinformasjon:

Arbeidsgivar: Midt-Telemark kommune

Referansenr.: 5061412496
Stillingsprosent: 100%
Lærling
Søknadsfrist: 23.02.2026