Rådgivar/seniorrådgivar - jurist

Vil du bruke din juridiske kompetanse til å styrke rettstryggleiken i helse-, omsorgs- og utdanningstenester

Er du jurist med master i rettsvitskap og vil bruke kompetansen din til å gjere kvardagen tryggare og meir rettferdig for folk flest. Hos Statsforvaltaren i Møre og Romsdal får du ein jobb som betyr noko – for enkeltpersonar, kommunane og for samfunnet. Vi har no ledige jobbar i verksemdsområde sosial berekraft.
 

Om verksemdsområdet sosial berekraft

Sosial berekraft handlar om å sikre gode livsvilkår og like rettar for alle. Hos oss betyr det å følgje opp regelverk og rettar innan helse, omsorg, utdanning og sosiale tenester. Vi gir rettleiing til kommunar og innbyggjarar, behandlar klagesaker og fører tilsyn for å sikre kvalitet og rettssikkerheit. Arbeidet vårt er variert og samfunnsaktuelt – og du får stor moglegheit til å påverke og lære.
Vi søkjer etter juristar både til utdanningsseksjonen og til helseseksjonen.  Seksjon utdanning Har ansvar for oppgåver knytt til barnehage, skole, opplæring og integrering.  Seksjon helse har ansvar for å sikre kvalitet og ivaretaking av pasient- og brukarrettar i helse- og omsorgstenester. Begge seksjonane samvirkar med sentrale myndigheiter.
 

Arbeidsoppgåver

•    Saksbehandling innan helse-, sosial- og utdanningsrett.
•    Rådgiving og rettleiing til kommunar, verksemd innan helse- og omsorg og innbyggjarar.
•    Bidra til tilsyn og formidling av regelverk.
•    Delta i utviklingsarbeid og samarbeid på tvers av fagområde.

 

Vi søkjer etter deg som

 

• har master i rettsvitskap/juridisk embetseksamen.(Har du utdanning frå utlandet, må du leggje ved autorisert omsetjing og godkjenning frå NOKUT.)
• kommuniserer godt både munnleg og skriftleg på norsk, med både offentlege instansar og brukarar
• kan arbeide systematisk og innafor gitte fristar
• liker å jobbe analytisk og sjå samanhengar
• samarbeider godt og deler kompetanse
• har erfaring frå offentleg forvaltning eller relevante fagområde, men dette er ikkje eit absolutt krav. Som nyutdanna er du også velkomen til å søkje då vi har mange erfarne juristar hos oss
• trivst med saksbehandling

 
For å jobbe i seksjon for helse må du kunne sikkerheitsklarerast.
 

​Hos oss får du

• ein stabil arbeidsgivar med fleksibel arbeidstid
• jobbe med samfunnsaktuelle saker og bidra til rettstryggleik
• stor moglegheit for fagleg utvikling og variasjon i arbeidsoppgåver
• tverrfagleg samarbeid og godt arbeidsmiljø
• naudsynt opplæring i aktuelt regelverk og datasystem
• løn som 1434 rådgivar/ 1364 seniorrådgivar med lønsspenn frå kr.590.000,- til kr.800.000,- . Lønsplassering ut frå kvalifikasjonar, erfaring og lokal lønnspolitikk. Stilling som seniorrådgivar har større ansvar og særskilte krav til kompetanse innan fagområdet.
• tilsetting etter gjeldande lover, instruksar og reglement. Dei første seks månadene er prøvetid
• medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad (https://spk.no/Medlemskap-i-SPK)
• moglegheit for noko heimekontor når det er føremålsteneleg
• høve til å trene i arbeidstida

 
Les meir om godane ved å jobbe i staten på Arbeidsgiverportalen (https://arbeidsgiver.dfo.no/lonn-goder-og-reise) 
 
Bli betre kjent med Statsforvaltaren i Møre og Romsdal.( https://www.statsforvalteren.no/more-og-romsdal/.)
 
Som vår nye kollega vil du få ein utfordrande jobb i eit utviklande og godt fagmiljø
Vi bruker som hovudregel nynorsk som skriftspråk. Den som vert tilsett må beherske norsk både skriftleg og munnleg. Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde.

Mangfald

Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.

Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).

 
Praktisk informasjon om søknadsprosessen

Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.
 
Det er viktig at du registrere all relevant utdanning og erfaring i profilen du opprettar i rekrutteringssystemet (sjølv om du legg ved ein ferdigutfylt CV). Dette er mellom anna nødvendig for å ivareta kravet om fullstendig søkjarliste.
 
Relevante vitnemål og attester lastar du opp. Vitnemål og/eller karakterutskrifter kan du gjerne hente frå vitnemålsportalen. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.
 
Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.  
 

Om oss

Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».
Har du spørsmål om stillinga? Ta gjerne kontakt med rekrutterande leiar helse Karin Brigitte Müller Mikaelsen på telefon (Norge +47) 41495351 eller rekrutterande leiar utdanning Maren Ørjasæter på telefon 90041063.
 
Søknadsfrist: 4.januar 2026 
​