Kontaktperson/miljøterapeut

Barnevernstenesta i Gloppen har ledig ei fast 100 % stiling som kontaktperson/miljøterapeut med verknad frå snarast.

Tenesta har frå 1. januar fem stillingar, inkludert leiar, og treng i tillegg ein ny medarbeidar for å løyse dei lovpålagte oppgåvene knytt til sakshandsaming, tiltak og akuttberedskap. Vi samarbeider med nabokommunane Stad og Stryn om akuttberedskapen.

Vi er i ein prosess med å definere kva oppgåver som skal ligge til kontaktperson, og kva miljøterapeut som jobbar med tiltak i familiane skal ha ansvar for. Kva arbeidsoppgåver som blir lagt til den utlyste stillinga, er difor avhengig av korleis kompetansen hos ny tilsett utfyller kompetansen vi allereie har i teamet.

Barneverntenesta er samorganisert med helsestasjonen og skulehelsetenesta, PPT, psykisk helseteneste og fysio- og ergoterapitenesta i Familiehuset.

Aktuelle arbeidsoppgåver

• Sakshandsaming etter barnevernslova
• Arbeid med undersøkingar og tiltak i heim og fosterheim og dokumentasjonsarbeid knytt til dette
• Deltaking i tenesta si akuttvaktordning
• Tverrfagleg og tverretatleg arbeid
• Deltaking i utviklingsarbeid i tenesta
• Noko arbeid utover vanleg arbeidstid må påreknast

Kvalifikasjonar

• Mastergrad i sosialt arbeid eller barnevern, eller bachelorgrad i same fagfelt med relevant vidareutdanning 
• Søkjarar med annan relevant høgskuleutdanning på bachelornivå og erfaring frå kommunal barnevernsteneste kan bli vurdert
• Erfaring frå direkte arbeid med barn og unge er ein fordel
• Forvaltningskompetanse og juridisk forståing
• Sertifisering i evidensbaserte metodar for foreldrerettleiing
• God skriftleg og munnleg framstillingsevne på norsk
• Grunnleggande IKT-kompetanse
  
• Førarkort klasse B

Personlege eigenskapar

• Du er open og audmjuk i møte med barn og føresette og legg til rette for eit godt samarbeid
• Du har god evne til fagleg refleksjon
• Du arbeider strukturert og målretta og har god gjennomføringsevne
• Du er fleksibel, har gode samarbeidsevner og evne til å jobbe både sjølvstendig og i team       

Vi tilbyr

• Utfordrande og miningsfylte oppgåver i eit aktivt, engasjert og kompetent fagmiljø
• Mogleg tilbod om utdanning til PMTO-terapeut i 2025
• Tilsetting, lønn og arbeidsvilkår i samsvar med gjeldande lovverk, reglement og tariffavtale.
• Fleksitid

For tilsetting gjeld ei prøvetid på seks månader.
Det må leverast tilfredsstillande politiattest før tiltreding.

Kontaktinformasjon

Elise Hestenes Fjelle, Avdelingsleiar barnevern, +47 977 77 389
Hilde Nødset, Tenesteleiar familiehuset, +47 979 91 071

Arbeidsstad

Grandavegen 9
6823 Sandane

Nøkkelinformasjon:

Arbeidsgivar: Gloppen kommune

Referansenr.: 4888196161
Stillingsprosent: 100%
Fast
Søknadsfrist: 15.12.2024