Lege i spesialisering innan radiologi

Er du klar for å bli med på laget ved radiologisk avdeling Ålesund og Volda?

Vi har ledig eit vikariat i 100 % stilling som lege i spesialisering i Volda i perioden 01.01.2026- 31.12.2027.

Radiologisk avdeling i Volda har ei stabil arbeidsgruppe og eit livleg arbeidsmiljø, med 5 overlegar, 1 LIS, 17 radiografstillingar og 5 merkantile. Vår faste LIS er no i permisjon, og vi ynskjer oss ein vikar. Etter at vikariatet er ferdig, kan det vere moglegheit for forlenging eller fast stilling med arbeidsstad ved Volda sjukehus, eller Ålesund sjukehus, som er organisert i same avdeling.

Som radiolog hos oss vil du ha ei nøkkelrolle i mange pasientforløp innan diagnostikk og behandling. Radiologi som fagområde veks raskt, og vi er på veg inn i ei tid der ny teknologi vil gi oss store moglegheiter!

Volda sjukehus har ein CT, ein MR, tre skjelettlaboratorium, ultralyd og osteodensimetri. Sjukehuset har traumefunksjon, og det skjer ei stor utvikling ved sjukehuset med utviding og oppgradering. Radiologi har nyleg fått nytt påbygg, ny MR og takhengt røntgen i mottak.

Kan stillinga vere aktuell for deg? Ta kontakt med oss for meir informasjon eller for eit uforpliktande besøk i Volda. Intervju av søkjarar vert gjort fortløpande.

Vi ber om at vitnemål og attestar/tenestebevis frå evt. tidlegare arbeidsforhold blir lasta opp som vedlegg til CV/søknad. 

Arbeidsoppgåver

• 6-delt tilstadesvakt til kl. 22 måndag–fredag med overlege i bakvakt
• Den som blir tilsett, skal følgje program for å oppnå læringsmål som fører fram til spesialisering i radiologi
• På dagtid roterer du mellom ulike fagområder som CT/MR, ultralyd og gjennomlysning, samt fagdagar
• Fast internundervisning kvar veke i samarbeid med radiologisk avdeling i Ålesund
• Ved oppstart får du tildelt rettleiar og ein tilpassa opplæringsplan for dei første to månadene før sjølvstendige vakter
• Gruppe 1-teneste kan gjennomførast ved St. Olavs hospital, Oslo Universitetssjukehus eller andre universitetssjukehus

Kvalifikasjonar

• Norsk autorisasjon som lege
• Godkjent del 1 av spesialistutdanning, eller turnusteneste etter gamal ordning
• Tidlegare teneste ved radiologisk avdeling blir vektlagt
• Gode norskkunnskapar for munnleg og skriftleg kommunikasjon
  

Personlege eigenskapar

• Du er arbeids- og lærevillig
• Du bidreg til eit godt arbeidsmiljø
• Du trivst med teamarbeid

Personlege eigenskapar blir vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

 

Midt i det beste Noreg kan by på av fjord og fjell, finn du Volda. Opplev dei ville og vakre Sunnmørsalpane som byr på alt frå enkle ruter og merka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskulemiljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her og her.

Kontaktinformasjon

Tom Atle Solberg, Seksjonsleiar, tom.atle.solberg@helse-mr.no

Arbeidsstad

Kløvertunvegen 1
6103 Volda

Nøkkelinformasjon:

Arbeidsgivar: Helse Møre og Romsdal HF

Referansenr.: 5034901243
Stillingsprosent: 100%
Vikariat
Søknadsfrist: 30.11.2025