Psykolog/psykologspesialist

Vil du vere med på laget vårt?

Helse Møre og Romsdal er ein arbeidsplass med stort mangfold. Dette meinar vi er viktig for å løyse dei oppgåvene vi er sett til. Vi ønskjer difor at dette mangfaldet skal speglast blant søkarane til stillingane våre og oppfordrar alle til å søke, uavhengig av kven du er, og kva bakgrunn du har.

Seksjonen vår har no ledig fast stilling som psykolog/psykologspesialist. Vi er ein del av Avdeling for psykisk helsevern barn og unge. Avdelinga er samansett av poliklinikkar i Kristiansund, Molde, Volda og Ålesund, samt ein døgnseksjon med einingar i Molde og Ålesund. Poliklinikken i Kristiansund er organisert i tverrfaglege team: akutt/ambulant team, nevropsykiatrisk team, småbarnsteam og generalistteam. Vi tilbyr spesifikke behandlingstilbod som til dømes FBT, TF-CBT, EMDR og PEF, og har eit godt utvikla pasient- og pårørandeopplæringstilbod. Avdelinga har faglege nettverk på tvers av poliklinikkane i forhold til psykose, eteforstyrringar, vald og overgrep, personlegdomsproblematikk og akuttarbeid. Som psykolog ved BUP Kristiansund vil du arbeide i tverrfagleg team med bl.a. psykologspesialist, overlege, pedagog og sjukepleiar.
Samarbeid med kommunehelsetenesta og oppvekstsektoren er organisert i barn og unges helseteneste. 

Poliklinikken vår har eit ivaretakande og godt arbeidsmiljø, både fagleg og sosialt. Vi strekk oss langt for at psykologar skal få best mogelege faglege utviklingsbetingingar. Vi legg også, om ønskeleg, til rette for at du kan ta heile spesialiseringsløpet utan forsinking i helseforetaket vårt.

Arbeidsoppgåver

• Utgreiing og behandling av barn og ungdom med ulike typar psykiske lidingar og utviklingsforstyrringar
• Pårørande- og familiesamtalar
• Psykoedukasjon
• Medvirke fagleg gjennom undervisning og teamarbeid
• Ta del i arbeid med pasientsikkerheit, systematisk kvalitetsarbeid og kontinuerleg forbetring av verksemda
• Samhandling med kommunane, bistå med rådgjeving og rettleiing
• Ambulant behandling der det er føremålstenleg

Kvalifikasjonar

• Norsk autorisasjon som psykolog eller psykologspesialist
• Psykolog med lisens kan også søke 
• Gode munnlege og skriftlege norskkunnskapar
• Erfaring frå arbeid i psykisk helsevern, eller med barn og ungdom, er ønskeleg

Personlege eigenskapar

• Du har gode samarbeidsevner på tvers av profesjonar og yrkesgrupper
• Du er god til å kommunisere med pasientar og medarbeidarar
• Du arbeidar strukturert og målretta

Å vere personleg eigna vert vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen. Les meir om Kristiansund og Nordmøre her. 

Kontaktinformasjon

Toril Kvisvik, Konst. seksjonsleiar, +47 95781432, Toril.Kvisvik@helse-mr.no

Arbeidsstad

Herman Døhlens vei 1
6508 Kristiansund

Nøkkelinformasjon:

Arbeidsgivar: Helse Møre og Romsdal HF

Referansenr.: 5110218270
Stillingsprosent: 100%
Fast
Startdato: 01.07.2026
Søknadsfrist: 11.05.2026