Me har behov for auka ressursar knytt til drift av tekniske anlegg, og lyser difor ut stilling som driftsoperatør for tekniske anlegg. Stillinga vil høyra til driftsavdelinga, som består av seks årsverk.

Kommunen ynskjer mest mogleg effektiv og kostnadssparande drift av dei tekniske anlegga. Optimalisering av drifta vert viktig.

I stillinga vil du jobba på alle dei kommunale bygga. Dette er m.a. både skuler, barnehage, helsebygg og kontorbygg.

Arbeidsoppgåver vil blant anna vera

• Drift, vedlikehald og generell oppfylging av dei tekniske anlegga på dei kommunale bygga, m.a.
• Brannalarmanlegg
• Naudlysanlegg
• Ventilasjonsanlegg
• Varmepumper
• Solcelleanlegg
• Varmestyring
• Gateljos
• Låsesystem og dører
• Solskjerming
• Basseng
• Deltaking på prøvedriftsmøte med entreprenørar
• Oppfylging av kontrollar med tekniske anlegg og utbetring av avvik
• Oppdatering og ajourføring av FDV-system

Driftsavdelinga er lita, og som tilsett her vil du også måtta pårekna å bidra med andre driftsoppgåver ved behov. På fleire av bygga samarbeider du med vaktmeistarane om arbeid knytt til dei tekniske anlegga. Du vil og inngå som ein del av teknisk vakt. Vaktordninga er fordelt på dei tilsette på driftsavdelinga og VA-avdelinga og inneber roterande vekesvakt (inkludert helg) knytt til bygg og vassverk.

Kvalifikasjonar

• Teknisk utdanning med relevant grad eller fagbrev innan eitt eller fleire av dei aktuelle tekniske fagområda. Lang relevant erfaring vil i visse tilfelle kunna kompensera for manglande utdanning.
• Erfaring med bygg- og anleggsforvaltning er ynskjeleg.
• Erfaring med styringssystem knytt til tekniske anlegg og FDV
• Gode datakunnskapar og interesse for digitalisering
• Interesse, vilje og evne til å læra deg dei delane av faget som du eventuelt ikkje har kjennskap til frå tidlegare.
• Evne til å arbeida sjølvstendig.
• Førerkort klasse B. Klasse BE er ein føremon.

Me kan tilby

• Spanande og meiningsfylte arbeidsoppgåver innanfor eit viktig samfunnsområde
• Godt arbeidsmiljø med engasjerte medarbeidarar
• God offentleg pensjonsordning
• Stilling i ei inkluderande arbeidslivsverksemd (IA -verksemd)

Dersom søkjar ynskjer å verta unnateke frå offentleg søkjarliste, lyt søkjar spesifisera og grunngje det i søknaden. Opplysningar om søkjaren kan verta gjort offentlege sjølv om søkjaren har oppmoda om ikkje å verta ført på søkjarlista. Dersom oppmodinga ikkje vert teke til fylgje, skal søkjaren varslast om dette.

For nærare informasjon om stillinga, ta kontakt med etatssjef for Samfunnsutvikling og drift Louise Pettersen, tlf 415 77 063 eller driftsleiar Håkon Tverderøy, tlf. 477 87 497.