Psykisk helsearbeidar

Det er ledig 100 % fast stilling som psykisk helsearbeidar frå snarast

Om Psykisk helsteneste:
Psykisk helseteneste yter tenester til menneske i alle aldrar som av ulike årsaker har utfordringar knytt til den psykiske helsa. Det kan mellom anna vere akutte kriser, langvarig sjukdom, vanskelege livvsituasjonar eller andre tilhøve som gjer at ein treng psykisk helsehjelp. Tenesta tilbyr både individuell oppfølging, dagaktivitetstilbod, samarbeid med andre instansar, oppfølging av pårørande og meistringskurs i samarbeid med andre tenester. Tenesta yter hjelp ut i frå kvar enkelt pasient sine behov, ressursar og mål. Arbeidet skal fremje god livskvalitet, sjølvstende og meistring av eige liv.

Psykisk helseteneste er samlokalisert og samorganisert med barnevernstenesta, PPT, fysio- og ergoterapitenesta og helsestasjons- og skulehelsetenesta i Familiehuset.

Arbeidsoppgåver

Arbeidsoppgåvene består primært av oppfølging av barn og unge, mellom anna samtalar og samarbeid med pårørande og andre tenester. Det vil likevel vere behov for fleksibilitet og arbeid med vaksne må påreknast. Det er også forventa at ein kan drifte grupper, drive meistringstreff og ha undervisning om psykisk helse på ulike arenaer.  Det er i tillegg forventa at ein utfører andre arbeidsoppgåver som er relevante i drift av tenesta. I arbeidet sitt må ein mellom anna gjere kartleggingar, utforme mål basert på faglege vurderingar, drive psykoedukasjon og arbeide aktivt med modellar og verktøy som kan hjelpe den enkelte pasient å nå målet ein har utforma.

Eventuelle endringar i drift av tenestetilbodet kan forekome og stillinga vil i så fall tilpassast dette.

Arbeidstid: dagarbeid

Kvalifikasjonar

Vi ynskjer at du

• har minimum 3-årig helse- og sosialfagleg utdanning
• har relevant vidareutdanning, eventuelt erfaring innan fagfeltet psykisk helse hos barn og unge
• har god kompetanse på psykiatri og kan utvikle tiltak med grunnlag i faglege vurderingar
• evnar å jobbe sjølvstendig
• kan samarbeide i team 
• har kompetanse på samtalar med barn og ungdom
• har kompetanse på relasjonsbygging
• har god skriftleg og muntleg framstillingsevne
  

Kompetanse om psykisk helse og evne til å utføre aktuelle arbeidsoppgåver vil saman med personlege eigenskapar bli vektlagt.

Personlege eigenskapar

• er positiv til å handtere nye utfordringar
  
• har høg arbeidskapasitet og toler ein uføreseieleg arbeidskvardag  med høgt tempo
• evnar å stå i utfordringar over tid
• er løysingsorientert
• er fleksibel og tåler raske omstillingar
  

Vi tilbyr

• Tilsetting, lønn og arbeidsvilkår i samsvar med gjeldande lovverk, reglement og tariffavtale.
• For tilsetting gjeld ei prøvetid på seks månadar.
  

Det må leverast tilfredsstillande politiattest før tiltreding.

Kontaktinformasjon

Arbeidsstad

Nøkkelinformasjon: