Off. godkjent sjukepleiar Korttidsavdelinga- vikariat

Er du sjukepleiar og ser etter nye utfordringar? Kortidsavdelinga har ledig 100 % vikariat for perioden 1.9.2025-1.9.2026.

Vi søkjer etter ein fagleg engasjert og ansvarsfull medarbeidar som ønsker å vere med på å vidareutvikle ei teneste i endring. Du må  kunne jobbe sjølvstendig i ein hektisk kvardag, men du vil få dyktige kollegaer på laget. Vi jobbar målretta med individuell pleie og omsorg med  høg kvalitet.
Korttidsavdelinga er ei spennande og utfordrande avdeling å jobbe i. Her er god dekning med sjukepleiarar, og eit godt fagmiljø. Vi samarbeider nært med andre faggrupper i kommunen og har eigen fysioterapiressurs knytt til avdelinga. Korttidsavdelinga driv kommunen sitt augneblikkleg hjelp tilbod til pasientar som treng det. Vi har ein variert kvardag der det kan vere behov for at vi utfører til dels avansert og teknisk sjukepleie. Korttidsavdelinga har 16 rom.

Vi ynskjer medarbeidarar som er fleksible, gode på kommunikasjon og samarbeid, som har humør og evne til å arbeide i eit miljø med omstilling og utfordring.
Vi jobbar etter: årsplanlegging og oppgåvedeling for å sikre god fagkompetanse gjennom heile døgnet og året.  I tillegg har vi sjukepleieteam som bidreg med fagleg kompetanse og er ein viktig ressurs ved behov for støtte. Det er moglegheit til å gå langvakter på helg. Dette vil gi deg fleksibel turnusordning og ein trygg arbeidskvardag med kjende kollegar på vakt.

Arbeidsoppgåver

• Vi gir eit allsidig tilbod innan kartlegging, rehabilitering, avlastning, behandling av akutt sjukdom, palliativ pleie mm.
  
• Utføre pleie og omsorgsoppgåver fagleg og etisk
  
• Fokus på forebygging og støtte opp under brukar sine eigne ressursar
  
• Samhandle med brukar, pårørande og andre samarbeidspartar
  
• Veiledning og opplæring av medarbeidarar
  
• Oppfølging og implementering av interne rutine og retningslinjer

Justeringar og endringar innan for arbeidsgjevar sin styringsrett kan skje i samsvar med det som er kommunen sine behov til ei kvar tid.

Kvalifikasjonar

• Off. godkjent sjukepleiar
• Du må kunne nytte digitale fagsystem og velferdsteknologiske løysingar
  
• Det vert stilt krav om politiattest ved tilsetjing 
  
• Evne til skriftleg og munnleg framstilling. Kommunen nyttar nynorsk i all skriftleg kommunikasjon

Personlege eigenskapar

Vi ynskjer at du har:

• Relevant arbeidserfaring
  
• Er fleksibel
  
• At du er utviklingsorientert, serviceinnstilt og har gode samarbeidseigenskapar
  
• At du kan arbeide målretta, systematisk og sjølvstendig
  
• God arbeidskapasitet og stabilitet vert vektlagd

Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju. I enkelte tilfelle vil det bli nytta gruppeintervju. 

Vi tilbyr

• Eit godt arbeidsmiljø
• Utfordrande og varierte arbeidsoppgåver 
• Faste fagdagar
  
• Moglegheit for å jobb langvakter
• Gode kollegaer og triveleg arbeidsmiljø  
• Gode forsikrings og pensjonsvilkår:

Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring på fritida. 
Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.

Arbeidsvilkår: Dag/kveld inkl helgar

Stillinga er plassert i HTA kap. 4 gr. 2 -stillingar med krav om minimum 3-årig høgskuleutdanning
Stillingskode 7174 sjukepleiar  

Tilsetting elles i samsvar med gjeldande lov- og regelverk.

Prøvetid
Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf AML §14.

Dokumentasjon 
Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Om offentleglova
Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Kontaktinformasjon

Marit Steinnes, Konst. Avd.leiar, 48070965, marit.steinnes@orsta.kommune.no
Wenche Flo, Tenesteleiar Omsorg og sjukeheim, 957 12 120, wenche.flo@orsta.kommune.no

Arbeidsstad

Håkonsgata 78
6150 Ørsta

Nøkkelinformasjon:

Arbeidsgivar: Ørsta kommune

Referansenr.: 5002384648
Stillingsprosent: 100%
Vikar
Startdato: 01.09.2025
Sluttdato: 01.09.2026
Søknadsfrist: 12.09.2025