Brenn du for økonomi- og verksemdsstyring, og er du ein dyktig lagspelar? Då er det kanskje nettopp deg vi ser etter.

Vi har ledig 100 % stilling som økonomirådgjevar. Stillinga krev høg arbeidskapasitet. 

Økonomiavdelinga har fagleg ansvar for oppgåver knytt til økonomi, budsjettering, rapportering, finansforvaltning, innkjøp og innkrevjing. Avdelinga har ansvar for prosess og utarbeiding av budsjett og økonomiplan med handlingsdel, analyser og årsrapport. Avdelinga driftar kommunen sitt økonomisystem og budsjettverktøy.

Økonomiavdelinga bidreg aktivt til at kommunen skal nå sitt mål om ei berekraftig økonomisk utvikling.

Kommunen har nyleg innført Visma Enterprise pluss og styringsverktøyet Framsikt. 

I tillegg til formell utdanning og praksis vert det lagt vekt på personlege eigenskapar og at ein er skikka for stillinga.

Arbeidsoppgåver

• Medverke i utarbeiding og kvalitetssikring av økonomiplan, perioderapportar og årsrapport 
• Planlegge, utarbeide og følge opp drifts- og investeringsbudsjett i tråd med vedtekne planar
• Økonomiske analyser og kalkylar, inkludert utarbeiding av prognosar og årsaker til avvik og støtte til utarbeiding av tiltak.
• Støtte resultateiningane med rådgjeving innan økonomistyring
• Bidra til å optimalisere rutinar og prosedyrar, effektivisering av arbeidsprosessar, utvikling av gode styringsverktøy og controlleroppgåver
• Delta i innkjøpsarbeidet i kommunen.
  
• Andre oppgåver, saksutgreiing og prosjektarbeid kan bli aktuelt
  

Kvalifikasjonar

• Høgare utdanning på mastergradsnivå innan økonomi er ønskeleg. Relevant erfaring saman med utdanning på bachelornivå kan òg vere aktuelt.
• God digital kompetanse 
• God norsk skriftleg og munnleg framstillingsevne
• Erfaring frå liknande arbeid og ansvarsområde vil vere ein fordel, samt erfaring i bruk av styringsverktøyet Framsikt

Personlege eigenskapar

• Du er nytenkande, nysgjerrig og set deg raskt inn i nye område
• Du er initiativrik, jobbar strukturert, sjølvstendig og har gode analytiske ferdigheiter
• Du ser heilskap og samanheng, har blikk for dei store linjene og dei viktige detaljane
• Du er nøyaktig og følgjer tidsfristar
• Du har gode samarbeidsevner, er fleksibel og jobbar godt i ein hektisk kvardag
• Du må ha god arbeidskapasitet
  

Vi tilbyr

• Interessante og utfordrande oppgåver nær administrative og politiske vedtaksprosessar
• Eit godt fag- og arbeidsmiljø med kollegialt samhald
• God anledning til fagleg fordjuping og vidareutvikling av eige arbeidsfelt
• Løn etter avtale
• Tilsetting i tråd med gjeldande lover, reglement og tariffavtale
• Offentleg pensjonsordning
• Fleksibel arbeidstid  

Kontaktinformasjon

Ann Kristin Thu, økonomisjef, +47 41702304
Hilde Kristin Røsvik, stabsleiar kommunedirektøren sin stab, +47 95053503

Arbeidsstad

Valderhaug 4
6050 Valderøya

Nøkkelinformasjon:

Arbeidsgivar: Giske kommune

Referansenr.: 4937146369
Stillingsprosent: 100%
Fast
Søknadsfrist: 05.05.2025