Controller/ekonomiijaráđđeaddivirgi

Bargoviidodat virggis

Mii ohcat ráđđeaddi dahje seniorráđđeaddi 100% virgái ekonomiijaossodagas. Sámi allaskuvlla ekonomiijaossodagas lea bajitdási ovddasvástádus ekonomiijahálddašeamis. Dása gullá ekonomiijaraporteren, rehketdoallu ja bušeahttajuohkin.

Ekonomiijaossodagas maiddai lea ovddasvástádus olggobeale ruhtaduvvon doaimmain. Dat leat doaimmat mat eai lea ruhtaduvvon allaskuvlla vuođđoruđain,  muhto lea belohahkii vai ollislaččat ruhtaduvvon olggobeale diŋgojeaddjis. Ossodat lea
veahkkin ea.ea bušehteremis ja bušeahtta čuovvulemiin, maiddai
ekonomiijaraporteremiin olggobeale berošteddjiide ja siskkáldas dárbbuide.

Controller raportere Sámi allaskuvlla ekonomiijahovdii.

Virgái gullet earret eará čuovvovaš barggut:
• Ráhkkanahttit ekonomiijaraporttaid, bušeahtaid, plánaid ja muđui doarjut Sámi allaskuvlla jođiheami ekonomalaš dili diehtovuođuin
• Bušeahttačuovvoleapmi ja ekonomiijaanalysa
• Sihkkarastit rievttes áigodatloahpahemiid, jahkeloahpaheami ja prognosaid
• Siskkáldas bearráigeahččanvuogádaga
• Ekonomiijasuorggi ovdánahttinbarggut
• Doarjut Sámi allaskuvlla ekonomiijasuorggi gelbbolašvuođaloktema
• Virgái sáhttet maid biddjot eará doaimmat dárbbu mielde

Virggi ja ossodaga bargoviidodat ja ovddasvástádussuorggit sáhttet rievdat ásahusa dárbbuid mielde.

Gelbbolašvuođagáibádusat

Gáibiduvvo relevánta universitehta dehe allaskuvlla dási oahppu ekonomalašhálddahuslaš fágain, áinnas mastergráda dahje mastergrádadássi. Ohcci geas lea bachelorgráda relevánta ekonomalaš-hálddahuslaš fágain , ja geas lea áššáigullevaš
hárjáneapmi, sáhttá maid árvvoštallot.

Lea ovdamunnin jus máhttá duođaštit buori gelbbolašvuođa ekonomiija dihtorvuogádagaid hálddašeamis. Allaskuvla geavaha Agresso, Unit 4 ja Public360 ekonomalaš-hálddahuslaš doarjjavuogádahkan. Eaktuduvvo maid buorre gelbbolašvuohta Excelas. Dasa lassin lea ovdamunni dovdat stáhta ekonomiijanjuolggadusaid, earenoamážit dan mii guoskka universitehta- ja allaskuvlasektorii. Relevánta bargovásáhus lea maid ovdamunni.

Buorit bargonávccat ja ovttasbargonávccat gáibiduvvojit. Virggi barggut gáibidit nuppástuhttinnávccaid ja iešheanalašvuođa. Persovnnalaš heivvolašvuohta virgái deattuhuvvo.

Son guhte virgáibiddjo ferte bures máhttit sihke davvisámegiela ja ovtta skandináva giela beaivválaš bargogiellan.
Son guhte virgáiduvvo ferte čuovvut daid lágaid, njuolggadusaid ja šiehtadusaid mat áigges áigái gustojit virgái.

Bálká

Virgi bálkáhuvvo virgekodas 1434 ráđđeaddi dahje 1364 seniorráđđeaddi. Bálká mearriduvvo ohcci oahpu ja bargohárjáneami vuođul.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Mii fállat

*Virggi mas ovdánahttinvejolašvuođat, viiddis ja máŋggabealat fágabirrasis 

* Ođđaáigásaš visttiid 

*Máŋggabealat čálgofálaldagaid 

*Heivehahtti bargoáiggi

* Buori bargobirrasa mas alla gelbbolaš bargit iešguđetge fágasurggiin 

* Ealli sámegielbirrasa guovddáš sámi guovllus 

Ohcan

Ohcan sáddejuvvo elektrovnnalaččat www.jobbnorge.no bokte, oktan dáiguin dokumentašuvnnaiguin: 

* CVain

 * Bargo- ja oahppoduođaštusaiguin 

* Bivdit du maiddái almmuhit unnimusat guokte referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget: 75 54 22 20. 

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. 

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. 

Sámi allaskuvlla deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde. 

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu ekonomiijahoavddas Mikkel Anders Kemi,tlf. +47 78 44 84 12/mob.tlf. + 47 90 13 45 39 e-poasta mikkelak@samas.no