Erfaringskonsulent i FACT-team

Erfaringskonsulent til FACT-team/psykosepoliklinikk
Vil du bruke eigne erfaringar med psykiske helseutfordringar og/eller rus til å gjere ein forskjell for andre?

Kronstad psykosepoliklinikk søker ein engasjert erfaringskonsulent til vårt tverrfaglege FACT-team. Som erfaringskonsulent vil du spele ein nøkkelrolle i vårt arbeid med å tilby fleksibel, aktiv og oppsøkande behandling til personar med alvorlege psykiske lidingar.​

Om oss
Kronstad distriktspsykiatriske senter (DPS) er eit lokalsjukehus innan psykisk helsevern for vaksne, lokalisert på Danmarksplass i Bergen. Vårt opptaksområde omfattar bydelane Bergenhus, Årstad og Ytrebygda.

FACT-teamet/psykosepoliklinikken jobbar med oppsøkande og fleksibel behandling for personar med alvorlege psykiske lidingar. Vi er eit tverrfagleg team som samarbeider tett for å tilby helhetlig oppfølging. Nå ønsker vi å styrke vårt team med ein erfaringskonsulent, som kan bidra med unike perspektiv og brukarerfaring for å skape enda betre tenester. Vi tilbyr både poliklinisk og oppsøkande behandling av pasientar, og vårt FACT-team gir tettere oppfølging i kritiske fasar for å førebygge kriser, hindre innlegging og bidra til stabilisering av vanskelege situasjonar. Teamet vårt består av psykologspesialistar, psykiatrar, psykologar, sjukepleiarar, sosionomar, ergoterapeutar, erfaringskonsulent, merkantil og IPS. 

Arbeidsoppgåver

Som erfaringskonsulent vil du bruke eigne erfaringar med psykiske helseutfordringar og/eller rus for å støtte, motivere og rettleie andre. Du blir ein viktig del av teamet og vil mellom anna:

• Bidra med støtte i kvardagen for personar i ein betringsprosess
• Fremme håp, mesitring og brukarmedverknad
• Samarbeide tett med behandlarar, pasientar og pårørande
• Bidra med undervisning, erfaringsdeling og brukarstemmen i fagutvikling.
• Vere ein brubyggar mellom tenestene og brukarane
• Du vil få god opplæring og rettleiing, og vi legg til rette for at du skal føle deg trygg i rolla

Kvalifikasjonar

Vi ser etter deg som:

• Har eigne erfaringar med psykiske helseutfordringar og/eller rus, og har komme langt i eigen recoveryprosess​
• Har evne til å bruke eigne erfaringar på ein refleksiv, etisk og profesjonell måte.
• Gjennomført kurs i erfaringskonsulentarbeid eller anna relevant opplæring.
• Har god munnleg og skriftleg framstillingsevne.
• Gjerne har erfaring frå brukarorganisasjonar, interessearbeid eller frivillig arbeid.
• Førarkort klasse B

Personlege eigenskapar

Vi søker ein kollega som:

• Er trygg på seg sjølv og tydeleg i møte med andre.
• Har gode samarbeidsevner og evne til å bygge relasjonar​
• Er lyttande, raus og respektfull.
• Har evne til å jobbe både sjølvstendig og i team.
• Er engasjert i å gjere ein forskjell og bidra til utvikling.
• Personleg egnethet vil bli tillagt stor vekt

Vi tilbyr

• Eit spennande og meiningsfylt arbeid i eit tverrfagleg team
• Varierte og utfordrande arbeidsoppgåver
• Opplæring og rettleiing i rolla
• Moglegheiter for fagleg og personleg utvikling
• Eit inkluderande og støttande arbeidsmiljø
• Lønn i henhald til gjeldande overeinskomst

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Mette Totland Håheim, Seksjonsleiar, 92444910, mette.totland.haheim@helse-bergen.no

Arbeidsstad

Fjøsangerveien 36
5053 Bergen

Nøkkelinformasjon:

Arbeidsgivar: Helse Bergen HF

Referansenr.: 4954070844
Stillingsprosent: 100%
Fast
Søknadsfrist: 31.08.2025